(តាកែវ)៖ អ្នកតំណាងរាស្ត្រមណ្ឌល​តាកែវ និងជាប្រធានក្រុមការងារចុះជួយស្រុកត្រាំកក់ លោក ច័ន្ទ សារុន នៅថ្ងៃទី១៤ ខែកុម្ភៈ ឆ្នាំ២០១៩នេះ បានចុះសាកសួរសុខទុក្ខ និងនាំយកថវិកា​មួយចំនួន ប្រគល់ជូនដល់សិស្សវិទ្យាល័យសុខអាន១ឧសភា ខេត្តតាកែវ ដែលជួបគ្រោះថ្នាក់ចរាចរណ៍ កាលពីពេលកន្លងទៅ។

សិស្សដែលបានជួបគ្រោះថ្នាក់ចរាចរណ៍នេះ ឈ្មោះ លន់ សោម៉ា​ ភេទស្រី អាយុ១៥ឆ្នាំ ជាសិស្សនៃវិទ្យាល័យសុខអាន១ឧសភា រស់នៅក្នុង ភូមិដំណាក់រៀង​ ឃុំពពេល​ ស្រុកត្រាំកក់ រងរបួសធ្ងន់ និងម្នាក់ទៀត​ឈ្មោះ លន់​ ច័ន្ទដារ៉ា​​ អាយុ១៨ឆ្នាំ (ត្រូវជាបងស្រី លន់ សោម៉ា) ​បានស្លាប់ ក្នុងពេលកើតហេតុ។​​​​​

បន្ទាប់ពីចុះសួរសុខទុក្ខសិស្សដែលបានជួបគ្រោះថ្នាក់ចរាចរណ៍រួចមក នៅព្រឹកថ្ងៃដដែលនោះ ​តំណាងរាស្ដ្រ ច័ន្ទ សារុន ក៏បានបន្ត ចុះសួរសុខទុក្ខ លោកយាយ​ ង៉ែត​​ នៅ​​ អាយុ៩០ឆ្នាំ ​​រស់នៅភូមិបឹង​​ ឃុំលាយបូរ​​ ស្រុកត្រាំកក់ផងដែរ៕​