(ភ្នំពេញ)៖ គណៈកម្មាធិការជាតិវាយតម្លៃទីក្រុងស្អាត បានអំពាវនាវដល់សាធារណជនទាំងអស់ ឱ្យចូលរួមវាយតម្លៃចលនាប្រឡងប្រណាំងបង្គន់សាធារណៈកម្ពុជាលេីកទី១ ដែលនឹងចាប់ផ្តើមនៅពេលខាងមុខនេះ។
ភ្ញៀវទេសចរជាតិ និងអន្តរជាតិ និងប្រជាពលរដ្ឋ អាចចូលរួមបញ្ចេញមតិយោបល់ Rating ពីកម្រិតនៃភាពពេញចិត្តលេីភាពស្អាត និងអនាម័យនៃបង្គន់សាធារណៈកម្ពុជា ដែលធ្លាប់បានប្រេីប្រាស់សេវាក្នុងរយះពេល១ខែ ចុងក្រោយ ដោយគ្រាន់តែ៖
១៖ ចូលតាមរយៈតំណ (Link) ៖ http://pt.cambodiacleanup.com/voter
២៖ ឬ Scan QR Code ដូចក្នុង sticker មានបិទតាមបង្គន់សាធារណៈ ជាប់ក្នុងវគ្គជម្រុះបេក្ខភាពចលនាប្រឡងប្រណាំងបង្គន់សាធារណៈកម្ពុជាលេីកទី០១។ ខាងក្រោមនេះគឺជាគំរូ sticker ដែលភ្ញៀវទេសចរជាតិ និងអន្តរជាតិ ប្រជាពលរដ្ឋ អាចចូលរួមផ្តល់យោបល់ rating កំរិតនៃភាពស្អាតបង្គន់សាធារណៈកម្ពុជា៕
