(ភ្នំពេញ)៖ លោកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា នៅថ្ងៃទី២៥ ខែមករា ឆ្នាំ២០១៩នេះ បានអនុញ្ញាតឲ្យលោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ចូលជួបពិភាក្សាការងារលើវិស័យអចលនទ្រព្យ។
ក្នុងឱកាសជួបពិភាក្សាការងារនេះ លោក ច្រឹក សុខនីម ក៏បានស្នើសុំសមាគមអ្នកអភិវឌ្ឍន៍លំនៅដ្ឋានកម្ពុជា បន្តគាំទ្រ និងបង្កើនកិច្ចសហប្រតិបត្តិការឲ្យកាន់តែល្អប្រសើរ។
លោកឧកញ៉ា លី ហួរ ក៏បានថ្លែងអំណរគុណ ដល់សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា ដែលបានមកសម្តែងការគួសមនេះ។
ក្នុងនោះលោកឧកញ៉ា ក៏បានលើកពីស្ថានភាពសេដ្ឋកិច្ចកម្ពុជា ពិសេសវិស័យសំណង និងដីធ្លី នាពេលបច្ចុប្បន្ននេះថា មានការរីកចម្រើនយ៉ាងខ្លាំង និងមានអ្នកវិនិយោគជាតិ និងអន្តជាតិកំពុងតែចាប់អារម្មណ៍ លើវិស័យនេះយ៉ាងខ្លាំង៕
