(អូកក្លិន-ណូវែលហ្សេឡង់)៖ ប្រជាពលរដ្ឋខ្មែរ-ណូវែលហ្សេឡង់ ដែលកំពុងរស់នៅទីក្រុងអូក្លិន, ទីក្រុងហាមិលតុន បានជួបជុំគ្នាច្រើនកុះករ នៅល្ងាចថ្ងៃទី២០ ខែមករា ឆ្នាំ២០១៩ ដើម្បីប្រារព្ធពិធីអបអរសាទរបុណ្យជាតិ ខួបលើកទី៤០ នៃទិវាជ័យជម្នះ៧មករា (១៩៧៩-២០១៩) យ៉ាងសប្បាយរីករាយក្រៃលែង និងស្ថិតស្នាលជាទីបំផុត ក្នុងនាមមហាគ្រួសារខ្មែរតែមួយ។
កម្មវិធីនេះត្រូវបានធ្វើឡើង ក្រោមអធិបតីភាព លោក កុយ គួង ឯកអគ្គរាជទូតកម្ពុជាប្រចាំប្រទេសអូស្ត្រាលី និងណូវ៉ែលហ្សេឡង់ និងលោក គឹម សន្តិភាព ប្រធានក្រុមការងាររៀបចំយុវជនប្រចាំប្រទេសអូស្ត្រាលី និងណូវ៉ែលហ្សេឡង់។
ដែលពិធីនេះ រៀបចំឡើងដោយ លោក កៅ ថាច អនុប្រធានក្រុមការងាររៀបចំយុវជនប្រចាំប្រទេសអូស្ត្រាលី និងណូវ៉ែលហ្សេឡង់ និងជាប្រធានតំបន់៥ សហការជាមួយក្រុមការងារតំបន់៥ លោក ប៉ែន ចន្ថា, លោក តឹក ឃាង, លោក ឃួន ម៉ៃឃើល និងលោក សួន បញ្ញា៕
