(បន្ទាយមានជ័យ)៖ សហភាពសហព័ន្ធយុវជនកម្ពុជាខេត្តបន្ទាយមានជ័យ បានធ្វើសកម្មភាពលើការងារសង្គម មនុស្សធម៌ សប្បុរសធម៌ វប្បធម៌ និងសាសនា ឬអាចថា ចូលរួមលើគ្រប់សកម្មភាពថ្នាក់ខេត្ត រហូតដល់ថ្នាក់មូលដ្ឋានក្នុងឆ្នាំ២០១៨កន្លងមកនេះ។
លោក សួន បវរ អភិបាលខេត្តបន្ទាយមានជ័យ បានថ្លែងកាលពីថ្ងៃទី១៨ ខែមករា ឆ្នាំ២០១៩ ក្នុងពិធីជួបសមាជិកសហភាពសហព័ន្ធយុវជនកម្ពុជាខេត្តប្រមាណ១.០០៨នាក់ថា នៅឆ្នាំ២០១៨ កន្លងមករដ្ឋបាលខេត្ត មើលឃើញថា សហភាពសហព័ន្ធយុវជនកម្ពុជា បានចូលរួមលើស្ទើរគ្រប់វិស័យ រាល់សកម្មភាពដូចជា៖ ការខិតខំប្រឹងប្រែង ចុះសួរសុខទុក្ខជាប្រចាំ ដោយមានការចូលរួមជាប្រចាំពីបងប្អូនថ្នាក់ខេត្ត ដល់ថ្នាក់មូលដ្ឋាន និងបានជួបផ្ទាល់ជាមួយបងប្អូនប្រជពលរដ្ឋដែលជួបកាលំបាក់។
ប្រធានសហភាពសហព័ន្ធយុវជនកម្ពុជាខេត្តបន្ទាយមានជ័យ លោក ប៉ោ វណ្ណាត បានលើកឡើងថា សមាគមនេះបានបំរើប្រជាពលរដ្ឋ និងបានចូលរួមលើកិច្ចការជាច្រើន ដោយបានចំណាយធនធាន សម្ភារ និងថវិកាប្រចាំឆ្នាំ២០១៨កន្លងមក។ ក្នុងនោះចំណាយលើការងារវប្បធម៌ និងសាសនា, ការងារអប់រំ កីឡា, ការងារសង្គមមនុស្សធម៌, បរិច្ចាគ និងការងារប្រវត្តិសាសស្ត្រជាដើម។
នៅក្នុងឱកាសនោះ លោក ហ៊ុន ម៉ានី ប្រធានសហភាពសហព័ន្ធយុវជនកកម្ពុជា បានកោតសរសើរដល់ថ្នាក់ដឹកនាំ សហការីទាំងឡាយ នៃសហភាពសហព័ន្ធយុវជនកម្ពុជាខេត្តបន្ទាយមានជ័យ ដែលក្នុង១ឆ្នាំកន្លងមក បានបំពេញភារកិច្ច ការងារចូលរួមគ្រប់សកម្មភាពការងារ សង្គម ការងារមនុស្សធម៌ សម្អាតបរិស្ថាន វប្បធម៌ និងសាសនា ចាប់តាំងពីថ្នាក់ខេត្ត ដល់ថ្នាក់មូលដ្ឋានលើគ្រប់រូបភាព ក្នុងនោះបានចុះធ្វើការផ្សព្វផ្សាយអំពីផលប៉ះពាល់អំពីគ្រឿងញឿន ក្នុងភូមិ-ឃុំដើម្បីឲ្យមានសុវត្ថិភាព និងគ្រោះថ្នាក់ចរាចរណ៍ជាដើម៕
