(ភ្នំពេញ)៖ លោក ហេង រតនា អគ្គនាយក​មជ្ឈមណ្ឌល​សកម្មភាព​កម្ចាត់​មីន​កម្ពុជា (CMAC) បានបញ្ជាក់ឲ្យដឹងថា គ្រាប់បែកទំលាក់ពីយន្តហោះចំនួន៤គ្រាប់ ត្រូវបានក្រុមជំនាញរបស់អង្គភាពស៊ីម៉ាក់​បោសសំអាត នៅក្នុងខេត្តចំនួន៤ផ្សេងគ្នា។

លោក ហេង រតនា បានបញ្ជាក់ទៀតថា ទីតាំងទាំង៤ ខាងលើនេះ រួមមាន៖

១៖ គ្រាប់ទម្លាក់ពីយន្តហោះ MK-82 ចំនួន០១គ្រាប់ នៅភូមិព្រៃមោគ ឃុំស្រែរនោង ស្រុកត្រាំកក់ ខេត្តតាកែវ។
២៖ គ្រាប់ទម្លាក់ពីយន្តហោះ MK-82 ចំនួន០១គ្រាប់ នៅភូមិស្លែងមានជ័យ ឃុំឈ្វាំង ស្រុកពញាឮ ខេត្តកណ្តាល។
៣៖ គ្រាប់ទម្លាក់ពីយន្តហោះ MK-82 ចំនួន០១គ្រាប់ នៅភូមិភិ ឃុំសេសាន ស្រុកអូរយ៉ាដាវ ខេត្តរតនគិរី។
៤៖ ​គ្រាប់ប្រភេទ​ M-117 ​នៅខេត្តមណ្ឌលគិរី​។

ជាមួយគ្នានោះ លោក ហេង រតនា ក៏បានស្នើសុំឲ្យបងប្អូនប្រជាពលរដ្ឋ​ បើដឹងថា ដីតំបន់ខ្លួនមានត្រូវគ្រាប់បែកទំលាក់ ពីយន្តហោះក្តី​ ពីគ្រាប់បាញ់គ្នា ក្នុងសង្គ្រាមក្តី សូមរាយការណ៍ជូនប៉ុស្តិ៍នគរបាល​ អាជ្ញាធរមូលដ្ឋាន​ ដើម្បីឲ្យចាត់វិធានការសមស្រប​៕