(ភ្នំពេញ)៖ លោក ហុង សុវណ្ណតារា តំណាងក្រុមហ៊ុន​ Cheng Fung Investment ដែលបាននាំយកផ្តាច់មុខ​​​ Durian XiaoXi បង្អែមធុរេនមកពី ប្រទេសចិន ដែលកំពុងល្បីឈ្មោះនៅ ក្នុងប្រទេសចិន​ តៃវ៉ាន់ជាដើម ចូលមកប្រទេសកម្ពុជាដោយរំពឹងថា ការនាំចូលដំបូងនៃបង្អែមប្រភេទនេះ នឹងមានការគាំទ្រច្រើនពីអតិថិជន ដោយផ្អែកលើវត្ថុធាតុដើមគឺ ​ធុរេនធម្មជាតិសុទ្ធ១០០%​។

លោក បានថ្លែងឲ្យបានដឹងថ្ងៃទី២៣ ខែធ្នូ ឆ្នាំ២០១៨ ក្នុងឱកាសសម្ពោធជាផ្លូវការហាង Durian XiaoXi ថា «ជាហាងដំបូងនៅកម្ពុជាដែលខ្ញុំ និងដៃគូរវិនិយោគបានទិញ Franchise ពីប្រទេសចិនមកកម្ពុជាដោយផ្ទាល់។ Durian Xiaoxi ជាហាងដែលលក់នូវប្រភេទបង្អែម ដែលធ្វើមកពីផ្លែឈើស្រស់ ហើយផ្ដោតពិសេសលើផ្លែធុរ៉េន និងបង្អែមផ្សេងៗជាច្រើនមុខទៀត រួមទាំងបង្អែមដែលនាំមកពីប្រទេសចិនផងដែរ»។ ​

ហើយលោកបន្ដទៀតថា កត្តាដែលនាំឲ្យមានការសហការជាមួយដៃគូ ក្នុងការបើកដំណើរការហាងបង្អែមនេះផ្អែកលើកត្តាដូចជា នៅកម្ពុជាប្រពលរដ្ឋចូលចិត្តទទួលទានធុរ៉េន, មួយវិញទៀតការធ្វើបង្អែមពីផ្លែធុរ៉េននៅកម្ពុជា មានការទទួលគាំទ្រច្រើនព្រោះ ធុរ៉េនៅកម្ពុជាមានផ្លែល្អគ្មានជាតិគីមី ធម្មជាតិល្អជាបណ្ដាប្រទេសផ្សេងៗ​ និងកត្តាមួយទៀតគឺ យកធុរ៉េច្នៃចេញជាបង្អែមជាច្រើនប្រភេទ និងឈ្ងុយឆ្ងាញពិសារថែមទៀតផង។

លោកបន្ថែមថា វត្តមាន Durian XiaoXi នៅកម្ពុជានេះនឹងជួយដល់ប្រពលរដ្ឋដូចជា ការផ្ដល់ការងារដល់ពួកគាត់ព្រោះ Durian XiaoXi គ្រោងនឹងបន្ដបើកជាច្រើនសាខាទៀតទាំងក្នុងរាជធានីភ្នំពេញ និងបណ្ដាខេត្ត ហើយអ្វីដែលពិសេសនោះគឺ ជួយទៅដល់ប្រជាកសិករ ដោយយើងនឹងប្រមូលទិញកសិកផលពីពួកគាត់ ដើម្បីកែច្នៃជាបង្អែមផ្សេងៗ​ ហើយពួកយើងគ្រោងនឹង​ នាំចេញធុរេនរបស់ពួកយើងដែលបានកែឆ្នៃរួចទៅកាន់ទីផ្សាអន្តរជាតិនាពេលខាមុខ។