(ភ្នំពេញ)៖ ក្រុមហ៊ុន យូនីស៊ីធី (Unicity) បានរៀបចំប្រមូលមូនិធិសប្បុរសធម៌ដើម្បីការងារសង្គម ជាលើកដំបូង បូករួមជាមួយ ថវិការ ផ្ទាល់ខ្លួនដែលបានមកពីបងប្អូនដែលជាគ្រួសារ យូនីស៊ីធី ជា ពិសេស លោក លោកស្រី ចាន់ ដានី និង ស្វាមី (បានចូលរួមចំនួនមួយម៉ឺនដុល្លារ )សរុបទាំងអស់ ២៥០០០ដុល្លារ ដើម្បីយកទៅជូនដល់ មន្ទីពេទ្យ គន្ឋបុប្ផា។ ការប្រគល់ថវិកានេះ បានធ្វើឡើងនៅថ្ងៃទី២២ ខែ ធ្នូ ឆ្នាំ២០១៨។ ក្រុមហ៊ុន Unicity កម្ពុជា មានវត្តមាននៅប្រទេសកម្ពុជា តាំងពីឆ្នាំ២០១២ រហូតបច្ចុប្ប្នន្ន ។ ក្រុមហ៊ុនតាមរយៈតំណាងក្រុមហ៊ុនដោយ លោក អ៊ូ សារៈមុនី ប្រធានផ្នែកលក់ និង ទីផ្សារ ប្រចាំប្រទេសកម្ពុជា បានមានលើកឡើងថា ក្រុមហ៊ុន មានសេចក្តី រីករាយ រំភើប ខ្លាំងបំផុត ដែលបានចូលរួម ចំណែក ក្នុងសកម្មភាពមួយនេះ ដើម្បីជាចំណែកមួយ ក្នុងការជួយសម្រាល ផ្តល់នូវសេវាកម្ម បន្តព្យាបាល ដល់ កុមារ កម្ពុជា ដោយឥតគិតថ្លៃ ។ ឆ្លៀតក្នុងឱកាសនេះក្រុមការងារក៏បានគោរពវិញ្ញណក្ខន្ធ លោកតា Beat Richner ដែលជាវិរះបរុសរបស់កុមារកម្ពុជា។
ក្រុមគ្រួសារ នៃក្រុមហ៊ុនយូនិស៊ីធី បានបង្ហាញអារម្មណ៏ក្តុកក្តួលពេលឃើញក្មេងៗជាច្រើនពាន់នាក់ក្នុងមួយថ្ងៃកំពុងត្រូវការជំនួយ នឹងបានជ្រួតជ្រាបកាន់តែច្បាស់បន្ទាប់ពីបានស្តាប់ដំណើររឿងរបស់លោកតា Richner នឹងការតស៊ូលះបង់រយៈពេល២៦ឆ្នាំនៅកម្ពុជាដើម្បីកុមាររបស់យើង ។ សម្ពាធនឹងអំរែកលើស្មាលោកតាដែលត្រូវទទួលខុសត្រូវមន្ទីពេទ្យចំនួន៥កន្លែងហើយមិនត្រឹមតែវេជ្ជបណ្ឌិត គិលានុបដ្ធាយិកា បុគ្គលិក ជាង២៥០០នាក់ ព្រមទាំងកុមារកម្ពុជារាប់លាននាក់។
ជាចុងក្រោយ តំណាងក្រុមហ៊ុនទាំងមូល លោក អ៊ូ សារៈមុនី បានអំពាវនាវអោយបងប្អូន បន្តចែករំលែកវប្បធម៏ មនុស្សធម៏ ទាំងអស់គ្នាដើម្បីសំរេច នឹងបន្តក្តីសុបិន្តរបស់ លោកតានឹងដើម្បីកុមារកម្ពុជាយើងរួចផុតពី ជម្ងឺ ឈឺថ្កាត់ទូទាំងប្រទេសកម្ពុជា៕
