(ភ្នំពេញ)៖ សម្តេច ហេង សំរិន ប្រធានរដ្ឋសភាកម្ពុជា នៅព្រឹកថ្ងៃទី២៩ ខែវិច្ឆិកា ឆ្នាំ២០១៩នេះ បានទទួលសវនាការជាមួយ លោក អាំផៃ ឃីនដាវង្ស (Amphay KiNDAVONG) ឯកអគ្គរដ្ឋទូតឡាវថ្មីប្រចាំនៅកម្ពុជា ដែលទើបត្រូវបានតែងតាំងដោយ រដ្ឋាភិបាលឡាវ។ ជំនួបនេះបានធ្វើឡើងនៅវិមានរដ្ឋសភា។

ក្នុងជំនួបសម្តេចប្រធានរដ្ឋសភា បានសម្តែងការសាទរចំពោះលោកអគ្គរដ្ឋទូត ដែលត្រូវបានរាជរដ្ឋាភិបាលឡាវតែងតាំងជាឯកអគ្គរដ្ឋទូតពេញសមត្ថភាពប្រចាំនៅក្នុងប្រទេសកម្ពុជា។ សម្តេចក៏សង្ឃឹមថា វត្តមានលោកអគ្គរដ្ឋទូត នឹងធ្វើឲ្យទំនាក់ទំនងទ្វេរភាគីកម្ពុជាឡាវទទួលបានផ្លែផ្ការល្អបន្ថែមទៀត៕