(ភ្នំពេញ)៖ ដើម្បីអបអរគម្រប់ខួប១០ឆ្នាំ នៃការផ្តល់សេវាកម្មហិរញ្ញវត្ថុចល័តនៅកម្ពុជា ធនាគារឯកទេស វីង (ខេមបូឌា) លីមីតធីត មានសេចក្តីសោមនស្សរីករាយ ក្នុងការប្រកាសអំពីកម្មវិធីប្រូម៉ូសិនថ្មី របស់ធនាគារ សម្រាប់អតិថិជនដែលធ្វើប្រតិបត្តិការតាមរយៈគណនីវីង។

ចាប់ពីថ្ងៃទី២០ ខែវិច្ឆិកា ឆ្នាំ២០១៨ រហូតដល់ថ្ងៃទី២៨ ខែកុម្ភៈ ឆ្នាំ២០១៩ រាល់អតិថិជនវីង ដែលធ្វើប្រតិបត្តិការដូចជា វីងទៅវីង វីងវេរលុយ ផ្ទេរប្រាក់ទៅក្រៅប្រទេស បញ្ចូលទឹកប្រាក់ទូរស័ព្ទ ទូទាត់វិក្កយបត្រ ឬដកប្រាក់ ពីគណនីវីង ពួកគាត់នឹងមានឱកាសឈ្នះរង្វាន់ម៉ូតូ១រង្វាន់ និងសម្ភារប្រើប្រាស់ក្នុងផ្ទះជាច្រើនទៀត រួមមាន៖ ទូរទស្សន៍ស្មាតធីវីចំនួន១៥រង្វាន់, ទូទឹកកកចំនួន១៣រង្វាន់ និងម៉ាស៊ីនបោកគក់ ចំនួន១៣រង្វាន់។

អ្នកឈ្នះរង្វាន់ចំនួន៤២នាក់ នឹងត្រូវបានជ្រើសរើសតាមរយៈការចាប់ឆ្នោត តាមប្រព័ន្ធអេឡិចត្រូនិកប្រចាំខែ ដែលត្រូវបានធ្វើឡើងនៅកាលបរិច្ឆេទខាងក្រោម៖

ការចាប់ឆ្នោតលើកទី១៖ ថ្ងៃទី២៨ ខែធ្នូ ឆ្នាំ២០១៨ រង្វាន់៖
* ទូរទស្សន៍ស្មាតធីវី ទំហំ ៣២ អ៊ីញ៖ ៧រង្វាន់
* ម៉ាស៊ីនបោកគក់៖ ៧រង្វាន់
* ទូទឹកកក៖ ៧ រង្វាន់

ការចាប់ឆ្នោតលើកទី២៖ ថ្ងៃទី២៨ ខែមករា ឆ្នាំ២០១៩ រង្វាន់៖
* ទូរទស្សន៍ស្មាតធីវី ទំហំ ៣២ អ៊ីញ៖ ៤រង្វាន់
* ម៉ាស៊ីនបោកគក់៖ ៣រង្វាន់
* ទូទឹកកក៖ ៣ រង្វាន់

ការចាប់ឆ្នោតលើកទី៣៖ ថ្ងៃទី០៧ ខែមិនា ឆ្នាំ២០១៩ រង្វាន់៖
* ម៉ូតូ ហុងដា Zoomer X៖ ១ រង្វាន់
* ទូរទស្សន៍ស្មាតធីវី ទំហំ ៣២ អ៊ីញ៖ ៤រង្វាន់
* ម៉ាស៊ីនបោកគក់៖ ៣រង្វាន់
* ទូទឹកកក៖ ៣រង្វាន់

កម្មវិធីប្រម៉ូសិន «ធ្វើប្រតិបត្តិការដើម្បីឈ្នះរង្វាន់» គឺជាផ្នែកមួយ នៃកម្មវិធីប្រូម៉ូសិនជាច្រើនរបស់ ធនាគារ ឯកទេសវីង ដែលធ្វើឡើងដើម្បីសម្តែងសេចក្តីថ្លែងអំណរគុណ ដល់អតិថិជនរបស់ខ្លួន ចំពោះការគាំទ្រលើផលិតផល និងសេវាកម្មរបស់វីង ក្នុងរយៈពេល១០ឆ្នាំកន្លងមកនេះ។ កម្មវិធីប្រូម៉ូសិននេះ ត្រូវបានធ្វើឡើងបន្ទាប់ពីកម្មវិធីប្រូម៉ូសិន ទូទាត់ថ្លៃសំបុត្ររថភ្លើងទៅកាន់ស្រុកកំណើតក្នុងតម្លៃ តែ៤០រៀល កាលពីមុនពិធីបុណ្យភ្ជុំបិណ្ឌ ក្នុងខែតុលា កន្លងមក។

ធ្វើប្រតិបត្តិការកាន់តែច្រើន អតិថិជននឹងមានឱកាសក្នុងការឈ្នះរង្វាន់កាន់តែច្រើន, ប្រាប់មិត្តភក្តិ និងបងប្អូនរបស់អ្នក ដែលមានគណនីវីង ឲ្យធ្វើប្រតិបត្តិការឥឡូវនេះ! សម្រាប់ព័ត៌មានបន្ថែមអំពីកម្មវិធីប្រូម៉ូសិននេះ សូមទាក់ទងតាមរយៈទូរស័ព្ទលេខ ០២៣ ៩៩៩ ៩៨៩ ឬចូលទៅកាន់: https://bit.ly/2DLDO8x៕