(កូរ៉េ)៖ នៅល្ងាចថ្ងៃទី២៣​ ខែធ្នូ​ ឆ្នាំ២០១៨​ លោក​ ឡុង​ ឌីម៉ង់​ ឯកអគ្គរដ្ឋទូត​កម្ពុជាប្រចាំសាធារណរដ្ឋកូរ៉េ បាន​ចូលរួមកម្មវិធីខួបទី១០​ឆ្នាំ នៃការបង្កើត សមាគមផ្លាស់ប្តូរវប្បធម៌ និងសហប្រតិបត្តិការគ្នា មនុស្សធម៌​ «Daegu-Gyeongbuk International Exchange Association» (DGIEA)​ ដោយមានការអញ្ជើញចូលរួមពីសំណាក់ អភិបាលខេត្តខ្យងប៊ុក រួមជាមួយលោកអភិបាលក្រុងថេហ្គូ​ អង្គទូតចំនួន៣៣​ និងថ្នាក់ដឹកនាំ​ DGIEA​ ភ្ញៀវអន្ដរជារិ​ និងសមាជិកសមាគមជាង​១ពាន់នាក់។

ក្នុងនោះ លោកអភិបាលខេត្តខ្យងប៊ុក រួមជាមួយលោកអភិបាលក្រុងថេហ្គូ បានប្តេជ្ញាបន្តការគាំទ្រក៏ដូចជា ជម្រុញឲ្យគ្រប់សមាគមមិត្តភាពកូរ៉េ និងបណ្តាប្រទេស៣៣ ដែលជាសមាជិកបណ្តាញរបស់ Daegu-Gyeongbuk International Exchange Association (DGIEA)រួមមាន៖ កម្ពុជាមួយផងដែរនោះ ផ្លាស់ប្តូរសកម្មភាពវប្បធម៌គ្នា សហប្រតិបត្តិការគ្នាផ្នែកមនុស្សធម៌ទៅវិញទៅមក ដើម្បីជាការរួមចំណែករឹតចំណងសាមគ្គីភាពជាមួយកូរ៉េឲ្យកាន់តែរឹងមាំ។

ថ្លែងទៅកាន់អង្គមីទ្ទីញលោក​ ឡុង​ ឌីម៉ង់ ​បានគូសបញ្ជាក់​ និងស្នើសុំឲ្យក្របខ័ណ្ឌកិច្ចសហការគ្នា នៃសមាគមមិត្តភាពទាំងនោះមិនត្រូវមើលរំលងលើវិស័យពាណិជ្ជកម្ម និងវិនិយោគរវាងគ្នា និងគ្នាទេ ដើម្បីឲ្យពលរដ្ឋយើងទាំងអស់គ្នា ទទួលបាននូវសុខដុមនីយកម្មពីមិត្តភាពនេះ៕