(ភ្នំពេញ)៖ តារាចម្រៀងជើងចាស់ ធ្លាប់សាងកេរ្តិ៍ឈ្មោះល្បីរាប់ឆ្នាំមកហើយនោះ បានបង្ហាញមហិច្ឆតារបស់ខ្លួនថា លោកចង់ចូលរួមចំណែក ដើម្បីលើកស្ទួយស្នាដៃចម្រៀងរបស់កូនខ្មែរ ដែលបានខិតខំប្រឹងប្រែងរិះរក និងផលិតឡើងយ៉ាងល្អ តាមរយៈ Page Facebook ផ្លូវការរបស់លោក ដែលបានបង្កើតឡើង ហើយក្នុងនោះបទចម្រៀងដ៏ល្បី តាំងពីជំនាន់ឆ្នាំ៩០ជាង គឺបទ «លក់ស្រែចូលបា» ក៏ត្រូវបានបញ្ចូលបទភ្លេងថ្មី មានលក្ខណៈទំនើប និងទាន់សម័យ ដើម្បីឲ្យទស្សនិកជនស្ដាប់កម្សាន្តអារម្មណ៍ និងមានលក្ខណៈប្លែកពីមុនផងដែរ។
មហាជន ពិតជាធ្លាប់បានស្តាប់រួចមកហើយ នូវបទចម្រៀងដែលល្បីឈ្មោះ កាលពីជំនាន់ឆ្នាំ៩០ជាង គឺបទ «លក់ស្រែចូលបា» ក្រោមសំនៀងរបស់លោក មិញ សុធីវណ្ណ ដែលស្តាប់ទៅសប្បាយទាក់ចិត្ត គ្រប់មហាជនក្នុង និងក្រៅស្រុក។ ដើម្បីរក្សាកេរ្តិ៍ឈ្មោះបទនេះ លោក មិញ សុធីវណ្ណ បានកែសម្រួលបទចម្រៀង របស់លោកឲ្យមានលក្ខណៈទំនើបទាន់សម័យ សមតាមជំនាន់យុវវ័យសម័យថ្មី។ ក្រោយបានស្តាប់ឃើញថា ប្លែកហើយជារសជាតិថ្មីមួយទៀត សមជារៀមច្បងសិល្បៈ ប្រកបដោយជំនាញពិត។
លោក មិុញ សុធីវណ្ណ ត្រូវបានបងប្អូនទូទាំងប្រទេស ទទួលស្គាល់ថា ជាតារាចម្រៀងមានបទពិសោធន៍មួយដួង អាចនិពន្ធបទភ្លេងបានដោយខ្លួនឯង និងមានទឹកដមសំឡេងពីរោះរណ្តំមានការចូលចិត្តពីទស្សនិកជន។ ក្រោយពេលឆក់បានភាពល្បីឈ្មោះ លោកធ្លាប់ក្លាយជាគណៈកម្មាការប្រឡងចម្រៀង ក្រោមការវាយតម្លៃសមត្ថភាពសំឡេង រលកក្រោយបានជាច្រើននាក់ ដែលជាថ្នាលថ្មី នៃសិល្បៈបន្តវេន។ ថ្មីៗនេះ លោកត្រៀមចេញផេកជាផ្លូវការមួយ មានឈ្មោះថា «Suthyvann Studio Recording» ដែលផលិតចម្រៀងខ្លួនឯងផង និងទទួលសេវាបំពេញការងារទាក់ទង និងបទចម្រៀងជូនអ្នកត្រូវការផលិតចម្រៀង ផងដែរ។
យ៉ាងណាមិញ លោកបានខិតខំការពារស្នាដៃ ដែលកសាងបានកន្លងទៅ ពិសេសបទចម្រៀងដែលបន្សល់ទុក ជាមរតកឲ្យរលកក្រោយបានស្វែងយល់។ តាមការឲ្យដឹងបទ «លក់ស្រែចូលបា» គោលបំណងដែលលោកបង្កើត Page នេះឡើងគឺទី១ ចង់បង្ហាញនូវការសាងស្នាដៃលោក បានប្រឡូកវិស័យតន្រ្តី និងចម្រៀងតាំងពីទស្សវត្សរ៍៨០ ដែលទទួលបានការគាំទ្រកន្លងមក រហូតដល់បច្ចុប្បន្ននេះ ទីដល់មហាជនទូទៅក៏ដូចជាប្អូនៗ យុវ័យជំនាន់ក្រោយឲ្យបានស្គាល់។ ទី២ស្របពេលនឹងការវិវត្តន៍តន្រ្តីបច្ចុប្បន្ន កំពុងរីកចម្រើនការតែនិពន្ធបទថ្មី Original Song ផងនោះ លោកក៏ដូចជារួមចណែក ធ្វើឲផុសផុលឡើងថែមទៀត។ ទី៣លោកក៏មានវ័យចំណាស់ហើយដែរ គឺចង់បន្សល់នូវស្នារដៃ ឲ្យបានច្រើនថែមទៀត សម្រាប់បម្រលអារម្មណ៍មហាជនទូទៅ នៅក្នុងជីវិតចុងក្រោយរបស់លោក។
គួរជម្រាបថា Page មួយនេះ តាមការបង្ហើបឲដឹង នឹងមានចេញចម្រៀងថ្មីៗស្នាដៃកូនខ្មែរ ក្នុងន័យលើកកម្ពស់សិល្បៈចម្រៀងខ្មែរ។ លើសពីនេះ លោកមានគម្រោង យកតារាចម្រៀងថ្មីចាស់ជាច្រើនដួង ចូលជាសមាជិក ដើម្បីច្រៀងតាមផែនការចែកជូនអ្នកគាំទ្រ។ ដូច្នេះប្រិយមិត្តរង់ចាំតាមដានទាំងអស់គ្នា និងជួយឲតម្លៃ ហើយលើកទឹកចិត្តស្នាដៃកូនខ្មែរ ឲ្យបានគ្រប់គ្នា៕
