(បាត់ដំបង)៖ ករណីគ្រោះថ្នាក់ចរាចរណ៍បណ្តាលមកពីម៉ូតូពីរគ្រឿង ធ្វើដំណើរបញ្ច្រាសទិសយ៉ាងលឿន រួចទៅបុកគ្នាពេញទំហឹង បណ្តាលឱ្យមនុស្សចំនួន៣នាក់ ស្លាប់ភ្លាមៗនៅកន្លែងកើតហេតុ និងមនុស្ស២នាក់ រងរបួសធ្ងន់ធ្ងរ នាយប់ថ្ងៃទី៣១ ខែតុលា ឆ្នាំ២០១៨ ម្សិលមិញ ស្ថិតនៅចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។
សមត្ថកិច្ចមូលដ្ឋាន បានឱ្យដឹងថា មុនពេលកើតហេតុគេឃើញមានម៉ូតូ២គ្រឿង បានបើកក្នុងយ៉ាងល្បឿនលឿន ក្នុងទិសដៅបញ្ច្រាសទិសគ្នា លុះមកដល់ចំណុចកើតហេតុ ក៏បុគ្នាពេញទំហឹងបណ្តាលឱ្យអ្នកធ្វើដំណើរចំនួន៣នាក់ (ស្រី១ប្រុស២) បានស្លាប់ភ្លាមៗ នៅកន្លែងកើតហេតុ និងបណ្តាលឱ្យជនរងគ្រោះចំនួន២នាក់ រងរបួសធ្ងន់ធ្ងរផងដែរ។
សមត្ថកិច្ចមូលដ្ឋាន បានបន្តថា បន្ទាប់ពីកើតសមត្ថកិច្ចបានហៅរថយន្តសាមុយដឹកជនរងគ្រោះទៅសង្គ្រោះបន្ទាន់ នៅឯមន្ទីរពេទ្យ ស្រុកសំពៅលូន ចំណែកសាកសពជនរងគ្រោះបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី រីឯម៉ូតូទាំងពីរគ្រឿង បានយកមករក្សាទុកនៅអធិការនគរបាលស្រុកភ្នំព្រឹក ដើម្បីដោះស្រាយតាមនីតិវិធីច្បាប់៕
