(ភ្នំពេញ)៖ កម្លាំងអាវុធហត្ថរាជធានីភ្នំពេញ បានឃាត់ខ្លួនជនសង្ស័យប្រុសស្រី១៥នាក់ ពាក់ព័ន្ធករណីគ្រឿងញៀន និងដកហូតបានក្រាមពណ៌សថ្លា ៣៣កញ្ចប់ (ប្រភេទម៉ាទឹកកក) នៅចំណុចទីតាំង៣ខណ្ឌផ្សេងគ្នា ក្នុងភូមិសាស្រ្តរាជធានីភ្នំពេញ នៅថ្ងៃទី២៧ ខែតុលា ឆ្នាំ២០១៨។
របាយការណ៍របស់មន្ដ្រីរាជអាវុធហត្ថ បានឲ្យដឹងថា ជនសង្ស័យទី១៖ឈ្មោះ សល់ ណារ៉ូ ហៅកណ្តុរ អាយុ១៧ឆ្នាំ, ទី២៖ឈ្មោះ យ៉េន តារ៉ា ហៅយ៉ុម អាយុ២៧ឆ្នាំ ត្រូវកម្លាំងល្បាតមូលដ្ឋានអាវុធហត្ថខណ្ឌព្រែកព្នៅ ឃាត់ខ្លួនបាននៅវេលាម៉ោង០៣៖០០នាទី នៅចំណុចផ្លូវបេតុងជាប់បន្ទាយឡុងឈិន ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ។
ទី៣៖ឈ្មោះ ស៊យ ប៊ុនស្រេង អាយុ៣៥ឆ្នាំ, ទី៤៖ឈ្មោះ គី សុវណ្ណា ភេទស្រី អាយុ៣១ឆ្នាំ, ទី៥៖ឈ្មោះ ស៊យ ទីទី អាយុ១៥ឆ្នាំ, ទី៦៖ឈ្មោះ ទៀង តារា ភេទស្រី អាយុ៤១ឆ្នាំ, ទី៧៖ឈ្មោះ សេង សារ៉ាយ អាយុ២៩ឆ្នាំ, ទី៨៖ឈ្មោះ រដ្ឋ ណាចា អាយុ២៣ឆ្នាំ, ទី៩៖ឈ្មោះ ងួន ចាន់បញ្ញា អាយុ៣៤ឆ្នាំ, ទី១០៖ឈ្មោះ អា ត្រេន អាយុ១៧ឆ្នាំ, ទី១១៖ឈ្មោះ ឌី ស៊ីធឿន អាយុ៣០ឆ្នាំ, ទី១២៖ឈ្មោះ ខាត សារឿន អាយុ៣៣ឆ្នាំ, ទី១៣៖ឈ្មោះ សៀ បញ្ញា អាយុ២៥ឆ្នាំ ត្រូវកម្លាំងមូលដ្ឋានអាវុធហត្ថខណ្ឌទួលគោក សហការជាមួយសមត្ថកិច្ចជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ឃាត់ខ្លួននៅម៉ោង០៣៖២០នាទី នៅចំណុចប្លុកច្រកធ្យូង ផ្លូវ៣៣៦ ភូមិ១០ សង្កាត់បឹងសាឡាង ខណ្ឌទួលគោក។
ទី១៤៖ឈ្មោះ ធីម ថា អាយុ២៧ឆ្នាំ និងទី១៥៖ឈ្មោះ គុយ កុល ត្រូវបានកម្លាំងល្បាត មូលដ្ឋានអាវុធហត្ថខណ្ឌជ្រោយចង្វារ ឃាត់ខ្លួនបាននៅម៉ោង១០៖០០នាទីយប់ នៅចំណុចភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ។
បច្ចុប្បន្នជនសង្ស័យប្រុសស្រីទាំង១៥នាក់ខាងលើ ត្រូវបានសមត្ថកិច្ចជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
