(ភ្នំពេញ)៖ នាចុងសប្ដាហ៍នេះ ក្រុមហ៊ុនរថយន្ដ MG Cambodia នឹងចូលរួមក្នុងកម្មវិធី «Wedding Show» ដើម្បីតាំងបង្ហាញរថយន្ដស៊េរីទំនើប MG RX5 ជាមួយនឹងការផ្ដល់ជូនកម្មវិធីពិសេស សម្រាប់គូស្នេហ៍ដែលមានគម្រោងរៀបចំអាពាហ៍ពិពាហ៍ ក្នុងរដូវកាលខាងមុខនេះ នៅផ្សារទំនើប Exchange Square ចាប់ពីម៉ោង១០ព្រឹកតទៅ។
ក្នុងឱកាសដ៏ពិសេសនេះ ក្រុមហ៊ុន MG Cambodia នឹងផ្ដល់ជូនកម្មវិធីថែមជូនដ៏អស្ចារ្យ លើប្រភេទរថយន្ដស៊េរីទំនើប MG RX5 ជាមួយនឹងកម្មវិធីពិសេសៗដូចជា៖ សេវាថែទាំរថយន្ដដោយឥតគិតថ្លៃ រយៈពេល១ឆ្នាំ ធានាគុណភាពរយៈ៣ឆ្នាំ លើម៉ាស៊ីនដែលរត់បានចំងាយ១០០,០០០គីឡូម៉ែត្រ ផ្ដល់ជូននូវកម្រាលរថយន្ដដ៏ស្រស់ស្អាត និងថែមជូននូវស្លាកលេខរថយន្ដដោយឥតគិតថ្លៃថែមទៀតផង។ បន្ថែមពីនោះ ក្រុមហ៊ុន MG Cambodia នឹងចែកជូនផ្កាកុលាបដ៏ស្រស់ស្អាតចំនួន២៥០ទង ទៅកាន់អ្នកចូលរួមដែលមានវត្ដមានក្នុងកម្មវិធី «Wedding Show»។
គួរបញ្ជាក់ផងដែរថា រថយន្ដ MG RX5 ជាប្រភេទរថយន្ដទំនើប SUV ដែលរចនាឡើងស័ក្ដិសម សម្រាប់គូស្វាមីភរិយាដែលទើបនឹងរៀបអាពាហ៍ពិពាហ៍ថ្មី ដោយផ្ទៃខាងក្នុងរបស់រថយន្ដដ៏ទំនើបនេះ ត្រូវបានរចនាឡើង ដោយវត្ថុធាតុដើមដែលមានគុណភាពខ្ពស់ ជាមួយនឹងកៅអីស្បែកពណ៌ត្នោត និងឈើភ្លឺប្រណិត ចំនែកផ្នែកខាងក្រោយនៃរថយន្ដមានភាពធំទូលាយល្អឥតខ្ចោះ។
ជាមួយនឹងបច្ចេកវិទ្យាថ្មី នៃថាមពលរបស់ម៉ាស៊ីនឥន្ធនៈដែលមានរហូតដល់ 1.5 បានធ្វើឲ្យរថយន្ដ MG RX5 អាចបើកបរបានយ៉ាងស្រួល នៅលើផ្លូវថ្នល់ក្នុងក្រុង ក៏ដូចជាធ្វើដំណើរទៅកាន់ខេត្ដផ្សេងៗ បានយ៉ាងមានសុវត្ថិភាព។ រថយន្ដ MG RX5 ជារថយន្ត SUV ដែលទទួលបានចំណាត់ថ្នាក់ផ្កាយ៥ ក្នុងការផ្ដល់សុវត្ថិភាពដ៏ល្អបំផុតនៅលើទីផ្សារ។
គូស្នេហ៍ដែលមានគម្រោងរៀបអាពិពាហ៍ពិពាហ៍ក្នុងរដូវកាលខាងមុខនេះ ឬឪពុក-ម្ដាយ ដែលកំពុងរៀបចំថ្ងៃពិសេសសម្រាប់កូនជាទីស្រលាញ់ អាចចូលរួមកម្មវិធី «Wedding Show» ដើម្បីយល់ដឹងបន្ថែមពីគុណភាព តម្លៃ និងព័ត៌មានលម្អិតរបស់រថយន្ដ MG RX5 ក៏ដូចជាសេវាកម្ម និងផលិតផលផ្សេងៗទៀតដែលពាក់ព័ន្ធនឹងការរៀបចំអាពាហ៍ពិពាហ៍ផងដែរ។
កុំភ្លេច នាំគូស្នេហ៍របស់អ្នកមកទស្សនារថយន្ដស៊េរីទំនើបនេះ និងជ្រើសរើសកញ្ចប់សេវាកម្មអាពាហ៍ពិពាហ៍ សម្រាប់ថ្ងៃពិសេសនាចុងសប្ដាហ៍នេះ ជាមួយនឹងការបញ្ចុះតម្លៃចាប់ពី២០%ឡើងទៅ ការថែមជូនពិសេសៗ និងការឈ្នះរង្វាន់ដ៏ច្រើនពីការប្រកួតថតរូប ។
ចូលរួមដោយសេរីក្នុងកម្មវិធី Wedding Show នាចុងសប្តាហ៍នេះ ថ្ងៃទី២៧-២៨ ខែតុលា ឆ្នាំ២០១៨ ចាប់ពីម៉ោង១០ព្រឹក ដល់ម៉ោង៧យប់។ កម្មវិធីនេះ រៀបចំដោយក្រុមហ៊ុនអនុស្សា ដៃគូសហការដោយនឹងផ្សារទំនើប Exchange Square៕
