(ភ្នំពេញ)៖ កម្លាំងមូលដ្ឋានអាវុធហត្ថខណ្ឌមានជ័យ នៅព្រឹកថ្ងៃទី២៣ ខែតុលា ឆ្នាំ២០១៨នេះ បានឃាត់ខ្លួនជនសង្ស័យម្នាក់ និងថ្នាំញៀនប្រភេទ ក្រាមពណ៌សថ្លា ២៩កញ្ចប់ (ប្រភេទម៉ាទឹកកក) នៅចំណុចផ្លូវលំ ភូមិមានជ័យ១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។
មន្ដ្រីអាវុធហត្ថដែលចូលរួមប្រតិបត្តិការ បានឲ្យដឹងថា ជនសង្ស័យដែលកម្លាំងជំនាញឃាត់ខ្លួននេះ ឈ្មោះ ខាត់ ស្រេង អាយុ១៦ឆ្នាំ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
