(ភ្នំពេញ)៖ លោកបណ្ឌិត ឈឹម សារ៉េត ប្រធានក្រុមការងារថ្នាក់កណ្តាល ចុះជួយស្រុកបាធាយ ទទួលបន្ទុកលើការងារយុវជន គណបក្សប្រជាជនកម្ពុជា នៅព្រឹកថ្ងៃទី២១ ខែតុលា ឆ្នាំ២០១៨ បានអញ្ជើញចូលរួមជួបសំណេះសំណាល ចូលរួមចែករំលែកបទពិសោធន៍, ពិសារអាហារសាមគ្គី និងថ្លែងអំណរគុណដល់យុវជន មកពីស្រុកបាធាយចំនួន៥០នាក់។

កម្មវិធីជួបជុំក្រុមការងារថ្នាក់កណ្តាល ចុះជួយស្រុកបាធាយនេះធ្វើឡើងក្នុងគោលបំណង៖

១​​៖ ពង្រីក និងពង្រឹងភាពស្និតស្នាលរវាងក្រុមការងារ និងបងប្អូនយុវជននៅមូលដ្ឋាន។

២៖ ដើម្បីឱ្យបងប្អូនយុវជននៅមូលដ្ឋានបន្តការគាំទ្រ និងចូលរួមគ្រប់សកម្មភាពជាមួយ ក្រុមការងារថ្នាក់កណ្តាលបន្ថែមទៀត។

៣៖ ដើម្បីឱ្យបងប្អូនយុវជនបន្តការគាំទ្រ និងជួយផ្សព្វផ្សាយអំពីគោលនយោបាយបក្ស ដល់បងប្អូនប្រជាពលរដ្ឋ

ក្នុងកម្មវិធីនេះក៏មានបញ្ចូល វគ្គបណ្តុះបណ្តាលស្ដីពី «Innovation in Health System Development in 12th Century Cambodia under king Jayavarman VII» ដោយធ្វើបទបង្ហាដោយលោកសាស្ត្រាចារ្យ Oliver Schell ជាជនជាតិអាល្លឺម៉ង់ផងដែរ៕