(ភ្នំពេញ)៖ សមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានឃាត់ខ្លួនជនសង្ស័យប្រុសស្រី១១នាក់ ដែលកំពុងប្រមូលផ្តុំគ្នាជក់គ្រឿងញៀន នៅពីរចំណុចផ្សេងគ្នាក្នុងថ្ងៃតែមួយ ថ្ងៃទី១១ ខែតុលា ឆ្នាំ២០១៨។
ជនសង្ស័យទាំង១១នាក់នោះរួមមាន ទី១៖ឈ្មោះ កែវ ចរិយ៉ា ភេទស្រី អាយុ២៣ឆ្នាំ, ទី២៖ឈ្មោះ ថា សីហា អាយុ២៣ឆ្នាំ, ទី៣៖ឈ្មោះ ងួន ចាន់ដារ៉ូ អាយុ២៨ឆ្នាំ, ទី៤៖ឈ្មោះ ឃីម វាសនា អាយុ១៨ឆ្នាំ, ទី៥៖ឈ្មោះ អ៊ុ ដាវុធ អាយុ១៧ឆ្នាំ, ទី៦៖ឈ្មោះ អឿន រឹទ្ធ អាយុ២៨ឆ្នាំ ឃាត់ខ្លួនបានកាលពីវេលាម៉ោង០២៖៣៥នាទី ចំណុចផ្ទះសំណង់មិនរៀបរយ ភូមិ១ សង្កាត់ស្ទឹងមានជ័យ ខណ្ឌមានជ័យ។
ទី៧៖ឈ្មោះ ឈឿន សុភ័ស្រ អាយុ៣២ឆ្នាំ, ទី៨៖ឈ្មោះ ប្រាក់ រតនា អាយុ២៥ឆ្នាំ, ទី៩៖ឈ្មោះ សា គឹមសៃ អាយុ២៥ឆ្នាំ, ទី១០៖ឈ្មោះ ហ៊ឹម រ៉ាយុទ្ធ អាយុ២៣ឆ្នាំ និងទី១១៖ឈ្មោះ ឆាយ សុភី អាយុ២៥ឆ្នាំ ឃាត់ខ្លួនបានកាលពីវេលាម៉ោង០៩៖៤៥នាទីយប់ នៅចំណុច ផ្ទះសង់ថ្មី ផ្លូវលំ ភូមិដីថ្មី សង្កាត់គោគឃ្លៀង ខណ្ឌសែនសុខ។
បច្ចុប្បន្នពួកគេទាំង១១នាក់ខាងលើ ត្រូវបានសមត្ថកិច្ចជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់៕
