(ភ្នំពេញ)៖ ដើម្បីអបអរសាទរ ការបើកសម្ពោធដំណើរការ ធនាគារប្រៃសណីយ៍កម្ពុជា (Cambodia Post Bank) សាខាផ្សារទំនើបអ៊ីអន២ សែន សុខ ក្រុមហ៊ុនសុវណ្ណាភូមិ ឡាយហ្វ៍ បានឧបត្ថម្ភធំ ក្នុងការរៀបចំកម្មវិធី ប្រកួតគូរគំនូរ សម្រាប់កុមារអាយុក្រោម១២ឆ្នាំ។
កម្មវិធីនេះ បានប្រព្រឹត្តទៅយ៉ាងរលូន ដោយមានការចូលរួមយ៉ាងច្រើនកុះករ ពីសំណាក់មាតាបិតា អាណាព្យាបាល និងកុមារ ដែលមានទេពកោសល្យ ក្នុងការគូរគំនូរជាច្រើននាក់ នាថ្ងៃទី០១ ខែតុលា ឆ្នាំ២០១៨។
ជាមួយគ្នានោះ ក្រុមហ៊ុនសុវណ្ណាភូមិ ឡាយហ្វ៍ បានគំនូរពីប្អូនៗ ជាច្រើនគំនូរ ដែលគំនូរទាំងនោះសុទ្ធសឹង តែជាគំនូរដែលមានខ្លឹមសារអត្ថន័យ និងភាពស្រស់ស្អាតផ្សេងៗគ្នា។
ក្រោយពីបង្ហោះរូបគំនូរ ដែលមានលក្ខខណ្ឌគ្រប់គ្រាន់ទាំងអស់ ទៅលើបណ្តាញសង្គមហ្វេសបុកផ្លូវការ របស់ក្រុមហ៊ុនសុវណ្ណាភូមិ ឡាយហ្វ៍ ដើម្បីស្វែងរកអ្នកឈ្នះរួចមក ពេលនេះ បានរកឃើញអ្នកឈ្នះចំនួន៣នាក់ ដោយរូបគំនូររបស់គាត់ ទទួលបានការ LIKE និង SHARE ច្រើនជាងគេបំផុត។
* រង្វាន់ទី១៖ បានទៅលើកុមារា ហោ បុត្តញ៉ាស័ក្តិ មានឪពុកឈ្មោះ ហោ អូន ម្ដាយឈ្មោះ សៀង សុគន្ធា។ ទទួលបាន៤៩០ Likes និង៩៨៩ Shares សរុបស្មើនឹង១,៤៧៩ Likes និង Shares។
* រង្វាន់ទី២៖ បានទៅលើកុមារា ឡុង បញ្ញាវឌ្ឍន៍ មានឪពុកឈ្មោះ អ៊ូ ឈីឡុង ម្ដាយឈ្មោះ ឆាយ សុខ ម៉េត។ ទទួលបាន៦៣៣ Likes និង៧៣២ Shares សរុបស្មើនឹង១,៣៦៥ Likes និង Shares។
* រង្វាន់ទី៣៖ បានទៅលើកុមារា ង៉ែត ប៊ីលី មានឪពុកឈ្មោះ ង៉ែត សុភាព ម្ដាយឈ្មោះ ក្រាញ់ គឹមសាង។ ទទួលបាន៣១៩ Likes និង៩៥១ Shares សរុបស្មើនឹង១,២៧០ Likes និង Shares។
ក្រុមហ៊ុន សុវណ្ណាភូមិ ឡាយហ្វ៍ សូមថ្លែងអំណរគុណយ៉ាងជ្រាលជ្រៅ ចំពោះមាតាបិតា អាណាព្យាបាល និងកុមារទាំងអស់ ដែលបានចូលរួមនៅក្នុងកម្មវិធីប្រកួតគូរគំនូរ របស់សុវណ្ណាភូមិ ឡាយហ្វ៍។ ក្រុមហ៊ុន ធានារ៉ាប់រងអាយុជីវិត សុវណ្ណាភូមិ ឡាយហ្វ៍ នៅទីនេះ ដើម្បីអ្នកនៅទីនេះ ដើម្បីកម្ពុជា៕
