(ឧត្តរមានជ័យ)៖ ដោយមានការចង្អុលបង្ហាញ និងមានការយកចិត្តទុក្ខដាក់ខ្ពស់ពី លោកអគ្គនាយកដ្ឋានកាំកុងត្រូល និង លោកអគ្គនាយករងទទួលបន្ទុកដែលផ្តោតសំខាន់ទៅលើសុខមាលភាពប្រជាពលរដ្ននោះ ជាក់ស្តែងនៅថ្ងៃទី០៣ ខែតុលាឆ្នាំ២០១៨នេះ សាខាកាំកុងត្រូលខេត្តឧត្តរមានជ័យ សហការជាមួយមន្ទីរពាណិជ្ជកម្ម សមត្ថកិច្ច និងអាជ្ញាធរមូលដ្ឋាន ចុះត្រួតពិនិត្យតូបលក់ទំនិញនានាៗ នៅតាមផ្ទះ និងតាមផ្សារនៅស្រុកចុងកាល់ ខេត្តឧត្តរមនជ័យ។
ក្នុងការចុះត្រួតពិនិត្យនេះ មន្ត្រីកាំកុងត្រូលដែលដឹកនាំដោយ លោក ខាន់ រ៉ាត់ ប្រធានសាខាកាំកុងត្រូលខេត្ត បានផ្តោតទៅលើគ្រឿងវិចខ្ចប់ដាក់ក្នុងស្លាដក សម្រាប់ប្រគេនព្រះសង្ឃ និងគ្រឿងភេសជ្ជៈនានាមួយចំនួនទៀត ហើយដោយសារតែអាជីកមានការយល់ដឹងច្រើន បន្ទាប់ពីសាខាកាំកុងត្រូលខេត្តបានចុះត្រួតពិនិត្យ និងអប់រំដល់ពួកគាត់ជាបន្តបន្ទាប់នោះ ធ្វើឲ្យការចុះត្រួតពិនិត្យក្នុងឱកាសនោះ ក្រុមការងារសាខាកាំកុងត្រូលពុំរកឃើញនូវទំនិញខូចគុណភាពណាមួយនោះទេ ហើយទំនិញទាំងនោះមានការវិចខ្ចប់បានស្អាត និងទំនិញប្រកបទៅដោយមានគុណភាពទៀតផង។
បន្ថែមពីនេះ លោក ខាន់ រ៉ាត់ បានធ្វើការអប់រំណែនាំបន្ថែមឲ្យអាជីវករលក់ដូរ ត្រូវគិតដល់សុខភាពអ្នកទិញជាចម្បង ហើយរាល់ទំនិញដែល ទិញមកលក់ដូរ ត្រូវពិនិត្យឲ្យបានច្បាស់។
ជាមួយគ្នានោះផងដែរលោកប្រធានសាខា រួមទាំងក្រុមការងារក៏បានបិទ និងចែកជូននូវផ្ទាំង Poster ដល់ប្រជាពលរដ្ឋជាច្រើនផ្ទាំងសម្រាប់យកទៅមើលឲ្យពួកគាត់កាន់តែយល់ច្បាស់ និងជួយផ្សព្វផ្សាយបន្តនៅផលប៉ះពល់ពីសុខភាពដល់បងប្អូនមួយចំនួនទៀតផងដែរ៕
