(ភ្នំពេញ)៖ លោក អ៊ឹម ឈុនលឹម ប្រធានក្រុមប្រឹក្សាធម្មនុញ្ញកម្ពុជា នៅថ្ងៃទី០២ ខែតុលា ឆ្នាំ២០១៨នេះ ដឹកនាំគណៈប្រតិភូ អញ្ជើញទៅចូលរួមពិធីខួប៦០ឆ្នាំ នៃការបង្កើតរដ្ឋធម្មនុញ្ញបារាំង (១៩៥៨-២០១៨) ដែលនឹងធ្វើឡើងនៅថ្ងៃទី០៤ ខែតុលា ឆ្នាំ២០១៨ខាងមុខនេះ នៅទីក្រុងប៉ារីស។
ការអញ្ជើញទៅចូលរួមរបស់លោក អ៊ឹម ឈុនលឹម បានធ្វើឡើងតមតាមការអញ្ជើញរបស់លោក ឡូរ៉ង់ ហ្វាប្សឺស (Laurent Fabius) ប្រធានក្រុមប្រឹក្សាធម្មនុញ្ញ នៃសាធារណៈរដ្ឋបារាំង។
ក្នុងពិធីខួបទី៦០ឆ្នាំ នៃរដ្ឋធម្មនុញ្ញបារាំង ដែលរៀបចំដោយក្រុមប្រឹក្សាធម្មនុញ្ញបារាំងនេះ មានការចូលរួមពីរបស់លោក ម៉ានុ អែលម៉ាក្រុង (Emmanuel Macron) ប្រធានាធិបតី នៃសាធារណៈរដ្ឋបារាំងផងដែរ៕
