(ភ្នំពេញ)៖ សាកលវិទ្យាល័យកម្ពុជា នៅថ្ងៃទី០២ ខែតុលា ឆ្នាំ២០១៨នេះ បានជូនដំណឹងពីការពន្យាពេលនៃការដាក់ពាក្យការជ្រើសរើស និងលទ្ធផលអំពីអាហារូបករណ៍ សម្រាប់ឆ្នាំ២០១៨ ក្រោយមានការសំណូមពរពីបេក្ខជន និងអាណាព្យាបាលព្រោះមិនអាចយកពាក្យមកដាក់ទាន់កាលកំណត់ នៃថ្ងៃឈប់ទទួលពាក្យ។
សម្រាប់កាលបរិច្ឆេទថ្មី សាកលវិទ្យាល័យកម្ពុជា បានបញ្ជាក់ថា ទី១៖ការឈប់ទទួលពាក្យអាហារូបករណ៍ចុងក្រោយ នៅថ្ងៃទី០៦ ខែតុលា ឆ្នាំ២០១៨ វេលាម៉ោង១២ថ្ងៃត្រង់, ទី២៖ថ្ងៃប្រឡងអាហារូបករណ៍ នៅថ្ងៃទី១២ ខែតុលា ឆ្នាំ២០១៨ ចាប់ពីម៉ោង៨ព្រឹក, ទី៣៖ថ្ងៃប្រកាសលទ្ធផលប្រឡង ថ្ងៃទី១៧ ខែតុលា ឆ្នាំ២០១៨ពេលរសៀល និងធ្វើតេស្ដសមត្ថភាពភាសាបរទេស សម្រាប់បេក្ខជនដែលបានប្រឡងជាប់អាហារូបករណ៍ (សម្រាប់អ្នកជ្រើសរើសយក ការសិក្សាជាភាសាបរទេស) ថ្ងៃទី១៨-២០ ខែតុលា ឆ្នាំ២០១៨។
ដោយឡែក អំពីការឈប់ទទួលពាក្យចូលរៀន និងការទទួលពាក្យសុំអាហារូបករណ៍ពាក់កណ្ដាលថ្លៃសិក្សា (៥០%) គឺឈប់ទទួលពាក្យនៅថ្ងៃទី០៨ ខែវិច្ឆិកា ឆ្នាំ២០១៨ វេលាម៉ោង៥រសៀល៕
សូមអានខ្លឹមសារលម្អិត នៃសេចក្ដីជូនដំណឹងនៅខាងក្រោមនេះ៖
