(ភ្នំពេញ)៖ ក្រសួងអប់រំ យុវជន និងកីឡា រៀបចំពិធីសំណេះសំណាល និងពិសារអាហាសាមគ្គី នៅល្ងាចថ្ងៃទី២៩ ខែកញ្ញា ឆ្នាំ២០១៨ ក្រោមវត្តមានលោក ស សុខា រដ្ឋលេខាធិការ តំណាងលោក ហង់ ជួនណារ៉ុន រដ្ឋមន្ដ្រីក្រសួងអប់រំ។
ពិធីនេះមានការចូលរួមពីមន្ត្រីរាជការអគ្គនាយកដ្ឋានកីឡា នាយកដ្ឋាននីតិកម្ម នាយកដ្ឋានសុខភាពសិក្សា ផ្នែកគ្រឿងញៀន និងផ្នែកជួញដូរមនុស្ស ប្រមាណជិត៤០០នាក់ នៅភោជនីយដ្ឋានទន្លេបាសាក់២។
ក្នុងឱកាសនោះដែរ លោក ស សុខា បានឧបត្ថម្ភដល់កីឡាករ កីឡាការិនីពិការចំនួន៤៥រូប ដែលត្រៀមទៅប្រកួតកីឡាអន្តរជាតិ នៅប្រទេសឥណ្ឌូនេស៊ី នាពេលខាងមុខ ក្នុងម្នាក់ៗ១០០ដុល្លារ បន្ថែមលើថវិកាសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចបានឧបត្ថម្ភក្នុងម្នាក់ៗ២០០ដុល្លារ៕
