(ស្វាយរៀង)៖ ការខកខានមិនបានទទួលរបាយទឹកភ្លៀងជាច្រើនថ្ងៃ បានធ្វើឲ្យដំណាំស្រូវវស្សា របស់កសិករសរុបប្រមាណ១.៥០០ហិកតា នៅក្នុងឃុំកំពង់ចក ឃុំសង្កែ ស្រុករំដួល និងឃុំស្វាយរំពារ ស្រុកស្វាយទាប ខេត្តស្វាយរៀង កំពុងជួបបញ្ហាខ្វះខាតទឹក។

ដោយពិនិត្យឃើញថា តំបន់នោះពុំមានប្រភពទឹកសម្រាប់អន្តរាគមន៍ និងចៀសវាងការខូចខាតដំណាំស្រូវរបស់កសិករលោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបញ្ជាឲ្យមន្ទីរធនធានទឹក និងឧតុនិយម ខេត្តស្វាយរៀង ធ្វើការជួសជុលទំនប់កំពង់ថ្នាឡើងវិញ ជាបណ្តោះអាសន្ន ប្រវែង៣៥០ម៉ែត្រ សម្រាប់ស្តុកទឹកទុក និងស្តារប្រឡាយ១ខ្សែទៀត ប្រវែង ២.៨០០ម៉ែត្រ ដើម្បីទាញទឹកដែលស្តុកទុកនោះ ទៅស្រោចស្រពដំណាំស្រូវ កំពុងមានតម្រូវការទឹកនៅតំបន់ខាងលើ៕