(ភ្នំពេញ)៖ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនប្រឆាំងគ្រឿងញៀន បានដឹកនាំគណៈប្រតិភូកម្ពុជាចំនួន១៩រូប មានសមាសភាព មកពីមន្ទីរប្រឆាំងគ្រឿងញៀន និងស្នងការរងនគរបាល ទទួលផែនប្រឆាំងគ្រឿងញៀន នៃស្នងការដ្ឋាននគរបាលខេត្ត ជាប់ព្រំដែនវៀតណាម ទៅចូលរួមកិច្ចប្រជុំប្រចាំឆ្នាំ២០១៨ នៅប្រទេសវៀតណាម។
កិច្ចប្រជុំប្រចាំឆ្នាំ២០១៨នេះ ធ្វើឡើងរវាងមន្ទីរប្រឆាំងគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជាណាចក្រកម្ពុជា ជាមួយនាយកដ្ឋានតម្រួតស្រាវជ្រាវ បទល្មើសគ្រឿងញៀន នៃក្រសួងនគរបាលវៀតណាម និងនាយកដ្ឋានបង្ការ ប្រឆាំងគ្រឿងញៀន និងបទល្មើស បញ្ជាការដ្ឋានកងទ័ពការពារព្រំដែន ក្រសួងការពារជាតិ នៃសាធារណរដ្ឋសង្គមនិយមវៀតណាម ចាប់ពីថ្ងៃទី២៥ ដល់ថ្ងៃទី២៨ ខែកញ្ញា ឆ្នាំ២០១៨ នៅទីក្រុងដាណាំង៕
