ទស្សនាបណ្តុំរូបភាព ស្តែងពីព្រឹត្តិការណ៍អន្តរជាតិប្រចាំថ្ងៃទី២២ ខែកញ្ញា ឆ្នាំ២០១៨! (Photo inside)
22-09-2018 20:14
(ពិភពលោក)៖ នៅថ្ងៃសៅរ៍ ទី២២ ខែកញ្ញា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ក្រុមខ្មាន់កាំភ្លើង ធ្វើសកម្មភាពបាញ់រះក្នុងពិធីព្យុហយាត្រាយោធានៅអ៊ីរ៉ង់ ផ្តាច់ជីវិតមនុស្សយ៉ាងតិច២៤នាក់ និងបង្កឲ្យរបួស៥៣នាក់។
២៖ ម៉ាឡេស៊ី ប្រកាសថាចាប់ពីឆ្នាំក្រោយទៅ នឹងលែងមានការឆែកឆេរលើខ្លួនប្រាណអ្នកដំណើរទៀតហើយ នៅឯអាកាសយានដ្ឋានអន្តរជាតិគូឡាឡាំពួ។
៣៖ ប្រជាជនហ្វីលីពីនយ៉ាងច្រើនកុះករ ចូលរួមការប្រារព្ធទិវាសម្អាតសំរាមតាមឆ្នេរសមុទ្រ នៅឯទីក្រុងម៉ានីល។
៤៖ ចិនសម្ពោធស្ថានទូតថ្មីនៅសាធារណរដ្ឋដូមីនីកែន។
៥៖ ចំនួនសាកសពដែលស្រង់បានពីទឹកសមុទ្រ ក្នុងករណីលិចសាឡង់នៅតង់ហ្សានី កើនដល់១៦៧នាក់។
៦៖ មហាសន្និបាតអង្គការសហប្រជាជាតិ រៀបចំពិធីរំលឹកដល់អតីតអគ្គលេខាធិការ UN លោក Kofi Annan ដែលបានទទួលមរណភាពកាលពីខែសីហាកន្លងទៅ។
៧៖ ទីបំផុតជប៉ុនទម្លាក់យានតូចពីរគ្រឿង ទៅលើអាចម៍ផ្កាយ Ryugu ដែលមានចម្ងាយ៣០០លានគីឡូម៉ែត្រពីផែនដី។
