(វ៉ាស៊ីនតោន)៖ ប្រធានាធិបតី​អាមេរិកលោក ដូណាល់ ត្រាំ បាននិយាយថា លោកសង្ឃឹមថាអ្នកបោះឆ្នោត​កំពុងសង្ឃឹម​យកចិត្តទុក ដាក់ចំពោះ​ការពន្យាពេល និងសោកស្ដាយ​ចំពោះសំណុំរឿង​លោក ប្រេត កាវ៉ាណស (Brett Kavanaugh) ជាបេក្ខភាពចៅក្រម​តុលាការ​កំពូលដែល ត្រូវបានចោទ​ប្រកាន់ពីបទរំលោភ​បំពានផ្លូវភេទ។ នេះបើតាម​ការចេញផ្សាយ​ដោយសារព័ត៌មាន Sputnik នៅរសៀលថ្ងៃពុធ ទី១៩ ខែកញ្ញា ឆ្នាំ២០១៨។

ថ្លែងនៅលើ Twitter នៅយប់​ថ្ងៃអង្គារ​សប្ដាហ៍នេះ លោក ដូណាល់ ត្រាំ បានលើក​ឡើងដូច្នេះថា «តុលាការកំពូល​ជាមូលហេតុមួយ ដែលធ្វើឱ្យខ្ញុំជាប់​ឆ្នោតជា​ប្រធានាធិបតី​​អាមេរិក... ហើយខ្ញុំ​សង្ឃឹមថា អ្នកបោះឆ្នោតមកពីគណបក្ស​សាធារណរដ្ឋ និងអ្នកបោះ ឆ្នោតដទៃ​ទៀត កំពុងឃ្លាំមើល និងសិក្សាស្វែងយល់​ពីកំណត់ត្រា​ប្រជាធិបតេយ្យ»។

គួរជម្រាបថា ការបោះឆ្នោតទទួលស្គាល់លោក Kavanaugh ជាចៅក្រមតុលាការ​កំពូល ដែលដំបូងឡើយគ្រោងនឹងធ្វើ​ឡើងនៅ ថ្ងៃព្រហស្បតិ៍សប្ដាហ៍នេះ ត្រូវលើកពេលទៅ​សប្ដាហ៍ក្រោយវិញ ដោយសារតែស្រ្តី​ម្នាក់ឈ្មោះ គ្រីស្ទីន ប្លាសេយChristine Blasey Ford បានចោទ​ប្រកាន់បេក្ខភាពរូប​នេះថា បានរំលោភបំពាន​ផ្លូវភេទលើរូបនាងកាល​ពីអំឡុង​ឆ្នាំ១៩៨០៕