(ពិភពលោក)៖ នៅថ្ងៃអង្គារ ទី២៨ ខែសីហា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍ រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ក្រសួងការពារជាតិរុស្ស៊ី ទើបតែទទួលបានប្រព័ន្ធមីស៊ីលការពារដែនអាកាសដ៏ទំនើប S-400 ទ្រីមភ៍ (Triupmh) មួយកងពលថ្មីបន្ថែមទៀតនៅមុនពេលកំណត់ ពីសំណាក់ក្រុមហ៊ុនផលិតសព្វាវុធ អាល់ម៉ាស អាន់ថេយ (Almaz-Antey) របស់ប្រទេសរុស្ស៊ីផ្ទាល់៕
២៖ នាយករដ្ឋមន្ត្រីនៃចក្រភពអង់គ្លេសលោកស្រី ថេរ៉េសា ម៉ាយ (Theresa May) នឹងបំពេញដំណើរទស្សនៈកិច្ចផ្លូវការ ទៅកាន់ប្រទេសចំនួន ០៣ នៅទ្វីបអាហ្វ្រិក នាសប្តាហ៍នេះ ក្នុងគោលបំណងដើម្បីបង្កើនទំនាក់ទំនងពាណិជ្ជកម្ម ក្រោយពីចក្រភពអង់គ្លេស ចាកចេញពីសហភាពអឺរ៉ុប៕
៣៖ ទីភ្នាក់ងារស្ទាបស្ទង់ភូមិសាស្រ្តអាមេរិក USGS បានឲ្យដឹងថា គ្រោះរញ្ជួយដីកម្រិត៦.៤រ៉ិចទ័រ បានវាយប្រហារក្បែរកោះលុមបុក (Lombok) ភាគកណ្តាលឥណ្ឌូណេស៊ី៕
៤៖ ក្រសួងការបរទេសកូរ៉េខាងត្បូង នាថ្ងៃអង្គារនេះ បានទទូចឲ្យជប៉ុន ឈប់ធ្វើការទាមទារទឹកដី មកលើប្រជុំកោះមានទំនាស់ ហៅជាភាសាកូរ៉េថា Dokdo និងជាភាសាជប៉ុនថា Takeshima ដែលស្ថិតនៅចន្លោះប្រទេសទាំងពីរតទៅទៀត៕
៥៖ ប្រធានាធិបតីបារាំងលោក អែមម៉ានុយអែល ម៉ាក្រុង បាននិយាយថា សហភាពអឺរ៉ុបលែងអាចពឹងផ្អែកទាំងស្រុងលើ សហរដ្ឋអាមេរិកទៀតហើយ ក្នុងការការពារសន្តិសុខជាតិរបស់ខ្លួនឯង៕
៦៖ ខណៈបេសកកម្មសំខាន់ៗនាពេលអនាគត ភាគច្រើនអាចត្រូវធ្វើឡើងក្នុងផ្ទៃសមុទ្រ ដូចជានៅលើព្រះច័ន្ទទឹកកក Europa របស់ភពព្រហស្បតិ៍ (Jupiter) និងព្រះច័ន្ទ Enceladus របស់ភពសៅរ៍ (Saturn) ទីភ្នាក់ងារអវកាសអាមេរិក NASA កំពុងធ្វើការស្វែងយល់ឲ្យកាន់តែច្បាស់ជាមុនសិន អំពីបរិស្ថានស្រដៀងគ្នានេះ នៅលើភពផែនដី៕
