(ម៉ូស្គូ)៖ កងនាវាចម្បាំងរុស្ស៊ីប្រចាំមហាសមុទ្រប៉ាស៊ីហ្វិក បានធ្វើដំណើរទៅដល់សមុទ្រ Okhotsk ដើម្បីត្រៀមធ្វើសមយុទ្ធបាញ់គ្រាប់ពិតនៅទីនោះ។ នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៊ីនហួរ នៅល្ងាចថ្ងៃចន្ទ ទី២០ ខែសីហា ឆ្នាំ២០១៨។
បើតាមអ្នកនាំពាក្យនៃកងអង្គភាពនាវាប្រចាំប៉ាស៊ីហ្វិករបស់រុស្ស៊ី សមយុទ្ធយោធាខាងលើនេះ មានការចូលរួមពីក្រុមនាវាចម្បាំងដូចជា Varyag, Bystry, Admiral Tributs, Admiral Vinogradov, និង Admiral Panteleyev ហើយនាវាពិឃាតប្រឆាំងនាវាមុជទឹកទាំងនេះ នឹងរួមគ្នាធ្វើការហាត់បាញ់គ្រាប់និងមីស៊ីលពិតៗតែម្តង នៅឯទីលានធ្វើតេស្ត លើផ្ទៃសមុទ្រ Okhotsk។
គួរជម្រាបថា ក្នុងអំឡុងនៃការធ្វើសមយុទ្ធខាងលើ ក៏មាននូវការហ្វឹកហាត់ទាក់ទងគ្នា វវាងឧទ្ធម្ភាគចក្រនិងនាវាចម្បាំងផងដែរ៕
