(ពិភពលោក)៖ នៅថ្ងៃសុក្រ ទី១០ ខែសីហា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ដានជើងជាច្រើនរបស់សត្វដាយណូស័រអម្បូរ Sauropod (ពួកកវែង) កាលសម័យ Jurassic ត្រូវបានរកឃើញនៅខេត្ត Guizhou ភាគនិរតីប្រទេសចិន។
២៖ អនុប្រធានាធិបតីអាមេរិក ប្រកាសថា កងទ័ពអវកាសដែលលោក ត្រាំ ចង់បង្កើតឡើង នឹងត្រូវលេចរូបរាងនៅអំឡុងឆ្នាំ២០២០។
៣៖ អគ្គលេខាធិការ UN អំពាវនាវឲ្យបើកការស៊ើបអង្កេត ខណៈទ័ពអាកាសក្រុមចំរុះអារ៉ាប់បើកការវាយប្រហារ ផ្តាច់ជីវិតមនុស្ស៥០នាក់ និងរបួស៧៧នាក់ នៅយេម៉ែន។
៤៖ ប្រទេសរុស្ស៊ីប្រកាសពេលវេលា ដែលត្រូវបណ្តែតនាវាបំបែកទឹកកក-នុយក្លេអ៊ែរ នៅសមុទ្រទឹកកកអាក់ទិក។
៥៖ មនុស្ស២២នាក់ បាត់បង់ជីវិត និងជាច្រើននាក់បាត់ខ្លួន ដោយសារគ្រោះទឹកជំនន់និងបំណាក់ដី នៅភាគខាងត្បូងឥណ្ឌា។
៦៖ ធ្លាក់ឧទ្ធម្ភាគចក្រនៅខេត្តភាគកណ្តាលជប៉ុន បណ្តាលឲ្យមនុស្ស០២នាក់ស្លាប់ និងបាត់ខ្លួន០៧នាក់។
៧៖ រកឃើញវត្ថុបុរាណជាច្រើនក្នុងផ្នូរបុរាណអាយុកាល២,០០០ឆ្នាំ នៅតំបន់ទីបេប្រទេសចិន។
