(ពិភពលោក)៖ នៅថ្ងៃពុធ ទី០៨ ខែសីហា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍ រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ អតីតនាយករដ្ឋមន្រ្តីម៉ាឡេស៊ីលោក ណាជីប រ៉ាហ្សាក់ (Najib Razak) នាថ្ងៃពុធនេះបានរងបទបោទប្រកាន់ចំនួន០៣ករណី ទៀត ទាក់ទិននឹងការលាងលុយកខ្វក់បន្ថែមពីលើការចោទប្រកាន់មួយចំនួនកាលពីខែកក្កដា ដែលពាក់ព័ន្ធនឹងការរំលោភលើ ទំនុកចិត្ត និងអំពើពុករលួយ ដែលធ្វើឲ្យលោកកាន់តែទទួលរងការប្រឈមមុខធ្ងន់ធ្ងរបន្ថែមទៀតចំពោះមុខការកាត់ក្តីពីតុលាការ៕
២៖ មេដឹកនាំចលនាប្រឆាំងមួយនៅប្រទេសហ្ស៊ីមបាវ៉េ ដែលមានឈ្មោះថា MDC គឺលោក ធិនដៃ ប៊ីទី (Tendai Biti) ត្រូវបានចាប់ ខ្លួនហើយនៅថ្ងៃពុធនេះ នៅតំបន់ព្រំដែន ជីរ៉ាន់ឌូ (Chirundu) នៃប្រទេសអាហ្វ្រិកខាងត្បូងមួយនេះ ក្រោយពីលោកបានព្យាយាមរត់គេចខ្លួន ទៅកាន់ប្រទេសជិតខាងមួយគឺហ្សាំប៊ី (Zambia)៕
៣៖ កូរ៉េខាងជើងបានចោទប្រកាន់កូរ៉េខាងត្បូងនៅថ្ងៃពុធនេះថា កំពុងស្វែងរកការប្រឈមមុខដាក់គ្នាជាថ្មី និងបំផ្លាញបរិយាកាសសន្តិភាពបច្ចុប្បន្ននៅលើឧបទ្វីបកូរ៉េ ដោយសំអាងលើជំនួបយោធានាពេលថ្មីៗនេះ រវាងទីក្រុងវ៉ាស៊ីនតោន និងទីក្រុង សេអ៊ូល៕
៤៖ ប្រធានាធិបតីជាប់ឆ្នោតលោក អ៊ីរ៉ាន ឌូកេ (Iván Duque) បានស្បថចូលកាន់ដំណែងជាផ្លូវការហើយ ក្នុងនាមជាប្រធានាធិបតី ទី៦០ របស់ប្រទេសកូឡុំប៊ីនៅថ្ងៃអង្គារសប្ដាហ៍ (ពេលវេលានៅក្នុងតំបន់អាមេរិកខាងត្បូង)៕
៥៖ រដ្ឋាភិបាលឡាវបានប្រកាសថា ខ្លួននឹងចុះធ្វើការត្រួតពិនិត្យលើស្តង់ដាសុវត្ថិភាព ក្នុងដំណើរការសាងសង់ទំនប់វារីអគ្គិសនីនៅទូទាំងប្រទេស ក្រោយកើតមានគ្រោះមហន្តរាយបាក់ទំនប់នៅខេត្តអាត់តាពើ ភាគខាងត្បូង ដែលបានបង្កការបំផ្លិចបំផ្លាញយ៉ាងខ្លាំងក្លា៕
៦៖ នារាត្រីថ្ងៃអាទិត្យចុងសប្តាហ៍នេះ និងនៅពេលរំលងអធ្រាតឆ្លងចូលថ្ងៃចន្ទសប្តាហ៍ក្រោយ បាតុភូតទេពច្យុត (Meteor Shower) ដ៏ល្បីឈ្មោះមួយនឹងកើតមានឡើងលើផ្ទៃមេឃ ហើយនៅក្នុងប្រទេសកម្ពុជាយើង ក៏អាចនឹងទស្សនាឃើញផងដែរ៕
