(ពិភពលោក)៖ នៅថ្ងៃសៅរ៍ ទី០៤ ខែសីហា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ទីភ្នាក់ងារអវកាស NASA ប្រកាសឈ្មោះអវកាសយានិកទាំង០៩រូប ដែលត្រូវចូលរួមធ្វើតេស្តហោះហើរឡើងទីកាន់ទីអវកាស ដែលនឹងធ្វើឡើងដោយក្រុមហ៊ុន SpaceX និង Boeing។
២៖ សហរដ្ឋអាមេរិកប្រកាសចាយលុយជិត ៣០០លានដុល្លារ ដើម្បីជួយការពារសន្តិសុខតំបន់អាស៊ីអាគ្នេយ៍។
៣៖ ឥណ្ឌូណេស៊ីយល់ព្រមប្រគល់កប៉ាល់ប្រណិតតម្លៃ២៥០លានដុល្លារ ដែលជាប់ពាក់ព័ន្ធរឿងអាស្រូវពុលរលួយនៃមូលនិធិរដ្ឋ 1MDB របស់លោក Najib Razak ទៅឲ្យម៉ាឡេស៊ី។
៤៖ ចំនួនមនុស្សស្លាប់ដោយសារការបំផ្ទុះគ្រាប់បែកអត្តឃាត ទៅលើព្រះវិហារអ៊ីស្លាមមួយកន្លែង នៅភាគខាងត្បូងអាហ្វហ្គានីស្ថាន បានកើនឡើងដល់យ៉ាងតិច៣៥នាក់។
៥៖ ធ្លាក់ឧទ្ធម្ភាគចក្រ Mi-8 នៅប្រទេសរុស្ស៊ី ផ្តាច់ជីវិតមនុស្ស១៨នាក់។
៦៖ នារីវ័យ២៨ឆ្នាំម្នាក់ ក្លាយជាមនុស្សទីមួយ ដែលត្រូវគេផាកពិន័យ នៅប្រទេសដាណឺម៉ាក ដោយសាល្មើសច្បាប់ចម្រូងចម្រាសថ្មីមួយ ដែលហាមមិនឲ្យមានការពាក់ស្បៃបិទមុខរបស់អ្នកអ៊ីស្លាម នៅតាមទីសារធារណៈ។
៧៖ ទីភ្នាក់ងារអវកាស NASA បញ្ចេញខ្សែអាត់សំឡេងដែលទាក់ទិននឹងបេសកកម្មអាប៉ូឡូទី១១។
