(ពិភពលោក)៖ នៅថ្ងៃសុក្រ ទី២៧ ខែកក្កដា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ រង់ចាំទស្សនា បាតុភូតច័ន្ទគ្រាសប្រចាំសតវត្សរ៍ ដែលនឹងកើតឡើងនៅរំលងអធ្រាតឈានចូលថ្ងៃទី២៨ ខែកក្កដា។
២៖ ដូណាល់ ត្រាំ ព្រមានដាក់ទណ្ឌកម្មធ្ងន់ៗលើតួកគី ប្រសិនបើមិនព្រមដោះលែងអ្នកប្រតិបត្តិសាសនាគ្រិស្តមួយរូបទេនោះ។
៣៖ ទីបំផុតយន្តហោះដឹកអដ្ឋិធាតុទាហានអាមេរិក មកដល់មូលដ្ឋានទ័ពអាកាស Osan កូរ៉េខាងត្បូងយ ក្រោយទទួលបានអដ្ឋិធាតុពីកូរ៉េខាងជើង។
៤៖ កូរ៉េខាងត្បូងបញ្ជូនយន្តហោះចម្បាំង ទៅស្ទាក់យន្តហោះចម្បាំងចិន ដែលយោធាខ្លួនចោទថា បានហោះបំពានដែនអាកាស។
៥៖ ប្រកាសអាសន្នទៀតហើយនៅកាលីហ្វ័រញ៉ា ដោយភ្លើងឆេះព្រៃកំពុងរីករាលដាលយ៉ាងឆាប់រហ័ស នៅក្នុងតំបន់ពីររបស់រដ្ឋ។
៦៖ ក្រុមហ៊ុនយក្ស Amazon ចំណេញប្រាក់២.៥ពាន់លានដុល្លារ ដែលលើសពីការរំពឹងទុកក្នុងត្រីមាសទី២។
៧៖ រូបភាពទឹកជំនន់ បង្កឡើងដោយការបាក់ទំនប់វារីអគ្គិសនី នៅខេត្តភាគខាងត្បូងប្រទេសឡាវ។
