(ពិភពលោក)៖ នៅថ្ងៃអង្គារ ទី២៤ ខែកក្កដា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍
រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ អាជ្ញាធរនៅប្រទេសឡាវបានឲ្យដឹងនាថ្ងៃអង្គារនេះថា មនុស្សមួយចំនួនបានបាត់បង់ជីវិត ហើយខ្ទង់រយនាក់ត្រូវគេរាយការណ៍ថា បានបាត់ខ្លួន ក្រោយពីទំនប់វារីអគ្គិសនីមួយកន្លែង បានដួលរលំ នៅខេត្ត Attapeu (អាត់តាពើ) ភាគអាគ្នេយ៍ប្រទេសឡាវ និងជាប់ព្រំដែនខេត្តស្ទឹងត្រែងព្រមទាំងខេត្តរតនៈគិរី ភាគឦសាននៃប្រទេសកម្ពុជា៕
២៖ អាជ្ញាធរក្រិកនៅល្ងាចថ្ងៃអង្គារនេះបានឱ្យដឹងថា ភ្លើងឆេះព្រៃដែលកំពុងវាយលុកស្ទើរទាំងទូទាំងប្រទេស បានសម្លាប់មនុស្សកើនឡើងដល់ ៥០នាក់ និងជាង ១៥០នាក់ផ្សេងទៀតរងរបួស៕
៣៖ ក្រុមប្រឹក្សាសន្តិសុខអង្គការសហប្រជាជាតិ បានជម្រុញជាថ្មីឱ្យរដ្ឋាភិបាលមីយ៉ាន់ម៉ាបង្កើនកិច្ចខិតខំប្រឹងប្រែងដោយជួយ សម្រួលឱ្យជនជាតិដើមភាគតិចរ៉ូហ៊ីងយ៉ា អាចត្រឡប់ទៅផ្ទះសម្បែងរបស់ពួកគេវិញក្នុងរដ្ឋ Rakhine ដោយសុវត្ថិភាព និងស័្មគ្រ ចិត្ត៕
៤៖ រលកកម្ដៅនៅក្នុងប្រទេសជប៉ុន បានផ្ដាច់យកអាយុជីវិតមនុស្សកើនដល់ ៧៧នាក់ហើយ ខណៈមនុស្សរាប់ពាន់នាក់កំពុង សម្រាកព្យាបាលនៅក្នុងមន្ទីរពេទ្យ ដែលនេះជាគ្រោះមហន្តរាយដាច់ដោយឡែក ពីគ្រោះទឹកជំនន់កាលពីពេលថ្មីៗនេះ នៅបណ្តាខេត្តភាគខាងលិចជប៉ុន ដែលបានសម្លាប់មនុស្សជាង ២០០នាក់៕
៥៖ យានអវកាស Orion Capsule របស់អង្គការ NASA កំពុងត្រូវដាក់តាំងបង្ហាញក្នុងសួនច្បារភាគខាងត្បូងនៃសេតវិមាន ដោយវាគឺជាផ្នែកមួយនៃការតាំងពិព័រណ៍ផលិតផលរបស់អាមេរិកប្រចាំឆ្នាំ ដែលត្រូវបានផ្តួចផ្តើមឡើងដោយប្រធានាធិបតីអាមេរិកលោក ដូណាល់ ត្រាំ ផ្ទាល់៕
៦៖ កូរ៉េខាងជើង ត្រូវបានគេរាយការណ៍ថា បានចាប់ផ្ដើមបិទផ្នែកមួយនៃទីតាំងធ្វើតេស្ដបាញ់គ្រាប់រ៉ុក្កែតដ៏សំខាន់នៅភាគអាគ្នេយ៍ ប្រទេស ជាកិច្ចអនុវត្តតាមកិច្ចព្រមព្រៀងនៅក្នុងប្រទេសសិង្ហបុរី រវាងប្រធានាធិបតីអាមេរិក លោក ដូណាល់ ត្រាំ និងមេដឹកនាំ កូរ៉េខាងជើង លោក គីម ជុងអ៊ុន៕
