(ពិភពលោក)៖ នៅថ្ងៃចន្ទ ទី២៣ ខែកក្កដា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍
រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ រដ្ឋធានីប៉េកាំងនៃប្រទេសចិន ព្រមទាំងក្រុងធានជីន (Tianjin) និងខេត្ត ហេប៊ៃ (Hebei) កំពុងត្រៀមទទួលរងឥទ្ធិពលភ្លៀងធ្លាក់ខ្លាំងនាថ្ងៃចន្ទ និងថ្ងៃអង្គារសប្តាហ៍ ដោយសារតែព្យុះទីហ្វុងឈ្មោះថា អម្ពិល (Ampil)៕
២៖ គ្រឿងប្រភេទមេតំហ្វេតាមីន ដែលមានចំនួនរហូតដល់ទៅជិត ១០លានគ្រាប់ ត្រូវបានប៉ូលិសថៃបង្ក្រាប និងរឹបអូសបាននៅតំបន់ជាយរាជធានីបាងកក កាលពីថ្ងៃអាទិត្យម្សិលមិញ៕
៣៖ សីតុណ្ហភាពនៅ គូម៉ាហ្គាយ៉ា (Kumagaya) ជាទីក្រុងមួយស្ថិតនៅខេត្ត សៃតាម៉ា (Saitama) ក្បែរទីក្រុងតូក្យូ បានកើនឡើងដល់ជាប់កំណត់ត្រាដ៏ខ្ពស់ នោះគឺ ៤១.១អង្សាសេ នារសៀលថ្ងៃចន្ទសប្តាហ៍នេះ៕
៤៖ តំណាងរាស្ត្របក្សប្រឆាំងកូរ៉េខាងត្បូងដ៏ល្បីម្នាក់លោក រ៉ូ ហឺចាន់ (Roh Hoe-chan) បានលោតពីលើអគារសម្លាប់ខ្លួនឯងនៅព្រឹកថ្ងៃចន្ទនេះ ខណៈលោកកំពុងជាប់ផុងក្នុងការស៊ើបអង្កេត ជុំវិញការចោទប្រកាន់ថា លោកបានទទួលសំណូកលុយនយោបាយខុស ច្បាប់រាប់សិបលានវ៉ុន៕
៥៖ ទីភ្នាក់ងារអវកាសអាមេរិក NASA កំពុងរៀបចំបាញ់បង្ហោះយានអវកាសមួយគ្រឿងនៅខែសីហាខាងមុខនេះ ដើម្បីទៅសិក្សាស្រាវជ្រាវជិតព្រះអាទិត្យ ក្នុងចម្ងាយដ៏កៀកជាងពេលណាៗទាំងអស់ ក្នុងគោលបំណងស្រាយបំភ្លឺពីអាថ៌កំបាំងយ៉ាងច្រើនសន្ធឹកសន្ធាប់នៅពីក្រោយដុំបាល់ភ្លើងនេះ៕
៦៖ ចិនកំពុងមានការរំពឹងខ្ពស់ថា នាវាមុជទឹកគ្មានមនុស្សបើកឆ្លាតវ័យជំនាន់ថ្មី អាចនឹងជួយបង្កើនសមត្ថភាពកងទ័ពជើង ទឹករបស់ខ្លួនឱ្យកាន់តែខ្លាំង។ ព័ត៌មានស្ដីពីគំរោងដាក់ពង្រាយនាវាមុជទឹកនេះ កើតមានឡើងតែប៉ុន្មានថ្ងៃប៉ុណ្ណោះ បន្ទាប់ពីមានសេចក្ដីរាយការណ៍ថា អង់គ្លេសនឹងបញ្ជូននាវាចម្បាំងផ្ទុកយន្ដហោះ មកកាន់តំបន់ប៉ាស៊ីហ្វិក និងសមុទ្រចិនខាងត្បួង ដើម្បីទប់ទល់នឹងឥទ្ធិពលចិន៕
