(ពិភពលោក)៖ នៅថ្ងៃសុក្រ ទី២០ ខែកក្កដា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ រុស្ស៊ី ធ្វើតេស្ដប្រព័ន្ធមីស៊ីលដ៏ថ្មីសន្លាង ដោយជោគជ័យនៅកាហ្សាក់ស្ថាន។
២៖ ព្យុះទីហ្វុង Son Tinh វាយលុកភាគកណ្តាលវៀតណាម និងផ្តាច់ជីវិតមនុស្ស០២នាក់ ខណៈ០២នាក់ទៀតកំពុងបាត់ខ្លួន។
៣៖ នៅតួកគី ម្តាយកូន០៤នាក់បាត់ខ្លួនកណ្តាលទន្លេ ក្រោយព្យាយាមរត់គេចពីការចាប់ខ្លួន ពាក់ព័ន្ធរដ្ឋប្រហារឆ្នាំ២០១៦។
៤៖ ទីបំផុតកងទ័ពស៊ីរីអាចចូលទៅកាន់កាប់ ទីទួលយុទ្ធសាស្ត្រមួយក្នុងខេត្ត Daraa ក្រោយចរចាត្រូវរ៉ូវជាមួយក្រុមឧទ្ទាម។
៥៖ ក្រឡាប់ទូកដឹកអ្នកទេសចរ នៅភាគកណ្តាលសហរដ្ឋអាមេរិក ផ្តាច់ជីវិតមនុស្សយ៉ាងតិច១១នាក់ និងបាត់ខ្លួនមួយចំនួនទៀត។
៦៖ អង្គការ NASA ទើបទម្លាយរូបភាពច្បាស់ៗជាងមុននៃព្រះច័ន្ទ Titan របស់ភពសៅរ៍។
៧៖ តុលាការកូរ៉េខាងត្បូង បន្ថែមទោសដាក់ពន្ធនាគារ០៨ឆ្នាំទៀត ដល់លោកស្រី ផាក គឺនហេ ក្រោយរកឃើញករណីធ្វើឲ្យបាត់លុយរដ្ឋជាង២៦លានដុល្លារ។
