(ព្រះសីហនុ)៖ ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហុន នៅថ្ងៃទី១០ ខែកក្កដា ឆ្នាំ២០១៨នេះ បានដឹកនាំសហការី នាំយកទៀនព្រះវស្សា បច្ច័យ និងទេយ្យវត្ថុ ទៅប្រគេនព្រះសង្ឃ នៅវត្តឥន្ធញាណ (ហៅវត្តក្រោម) សង្កាត់លេខ៣ ក្រុងព្រះសីហនុ ដើម្បីឧទ្ទិសកុសលផលបុណ្យ ជូនដល់បុព្វការីជន ញាតិការទាំងប្រាំពីរសណ្តានដែលបានចែកឋានទៅ និងដើម្បីប្រតិបត្តិតាមបញ្ញត្តិព្រះពុទ្ធសាសនា ដែលជាសាសនារបស់រដ្ឋ។
ទេយ្យទានដែលបានប្រគេនព្រះសង្ឃនាពេលនេះមានទី១៖ ទៀនវស្សា១គូ, ទី២៖ អង្ករ១០បាវ ៣.មី៥កេសធំ, ៤.ត្រីខ១កេសធំ, ៥.ទឹកត្រី ១០យួរ
ទី៦៖ ទឹកស៊ីអ៊ីវ១០យួរ, ទី៧៖ ស្ករស២០គីឡូក្រាម, ទី៨៖ ទឹកសុទ្ធ២០កេស, ទី៩៖ ទឹកក្រូច១០កេស, ទី១០៖ ទឹកបាកាស៥កេស និងទី១១៖ ប្រេងឆា៥ពីដុង។
ព្រមទាំងបច្ច័យរួមសម្រាប់កសាងវត្តអារាម ចំនួន២,៤៩០,០០០ រៀល និងចំនួន៧៨០ដុល្លារ។ ក្នុងពេលនោះដែរ លោកភរិយារបស់លោកស្នងការ បានចាប់កុសលបន្ថែមថវិកាចំនួន២២០ដុល្លារ ថែមទៀត សរុបជាដុល្លារ មានចំនួន១,០០០ដុល្លារ និងបន្ថែមបច្ច័យសម្រាប់ប្រគេនព្រះសង្ឃផ្ទាល់ចំនួន១៦អង្គ ក្នុង១អង្គ១០ម៉ឺនរៀល ចៅអធិការវត្ត១០០ដុល្លារ និងលោក តាជីយាយជី១៣នាក់ ក្នុង១នាក់ថវិកាចំនួន២០,០០០រៀល ផងដែរ៕
