(បាងកក)៖ គិតមកដល់រសៀលថ្ងៃចន្ទនេះ មនុស្សចំនួនតែ០៤នាក់ប៉ុណ្ណោះ ក្នុងចំណោមមនុស្សទាំង១៣នាក់ ដែលទើបត្រូវបានសង្គ្រោះចេញពីរូងភ្នំថាំលួង នៃខេត្តឈៀងរ៉ាយ ភាគខាងជើងប្រទេសថៃ ដោយក្រុមសង្គ្រោះថៃបានប្រើបច្ចេកទេស និងការផ្សងគ្រោះថ្នាក់គ្រប់បែបយ៉ាងទាំងអស់ ទើបអាចនាំពួកគេចេញមកបានដោយសុវត្ថិភាព។ នេះបើតាមការចេញផ្សាយដោយសារព័ត៌មានថៃ The Nation នៅរសៀលថ្ងៃចន្ទ ទី០៩ ខែកក្កដា ឆ្នាំ២០១៨។
ដោយឡែកខ្សែវីដេអូ ដែលបង្ហាញពីសកម្មភាពសង្គ្រោះដ៏ផ្សងព្រេងបំផុត និងជាអ្វីដែលបណ្តាអ្នកតាមដានព័ត៌មានទូទាំងពិភពលោកចង់ឃើញនោះ គឺពិតជាគួរឲ្យចាប់អារម្មណ៍ និងព្រឺព្រួចខ្លាំងណាស់ ព្រោះការនាំមនុស្សដែលគ្មានជំនាញ ឆ្លងកាត់ក្នុងរូងភ្នំដែលពេញដោយទឹកជន់លិច ហើយងងឹតសូន្យឈឹងបែបនេះ ប្រាកដណាស់ថា ពិតជាត្រូវការការអត់ធ្មត់ និងជំនាញខ្ពស់បំផុតទើបអាចសម្រេចបាន៕
