(ប៊ែរឡាំង)៖ នាយករដ្ឋមន្ត្រី​ចិន លោក លី ខឺជាំង (Li Keqiang) បានធ្វើដំណើរ​ទៅដល់ទីក្រុង​ប៊ែរឡាំង ប្រទេស​អាល្លឺម៉ង់ហើយ ដើម្បីចូលរួមកិច្ចប្រជុំពិគ្រោះ​យោបល់​អន្តររដ្ឋាភិបាល​លើកទី ៥ រវាងចិន និង​អាល្លឺម៉ង់។ នេះបើតាម​ការចេញផ្សាយ​ដោយ​សារព័ត៌មាន CGTN នៅ​ព្រឹកថ្ងៃចន្ទ ទី០៩ ខែកក្កដា ឆ្នាំ២០១៨។

កិច្ចប្រជុំពិគ្រោះ​យោបល់អន្តររដ្ឋាភិបាល​នេះ គឺជាកិច្ចប្រជុំលើកដំបូង​បំផុត គិតចាប់តាំងពីរដ្ឋាភិបាល​នៃប្រទេសទាំងពីរ​ចូលកាន់ តំណែង​កាលពី​ខែមីនាមក។ ដោយ​ឡែក នៅក្នុងកិច្ចប្រជុំនេះ​ដែរ លោក Li នឹងត្រូវជួប​ពិភាក្សាពិគ្រោះយោបល់ ​ជាមួយអធិការបតី​អាល្លឺម៉ង់ លោកស្រី អាន់ជែឡា មឺគែល ដោយនឹងផ្ដោត​សំខាន់លើ​ផែនការ​ និងការសម្របសម្រួល​កិច្ចសហប្រតិបត្តិការ​រវាងប្រទេសទាំងពីរ​ សម្រាប់រយៈពេល ០៤ ឬ ០៥ឆ្នាំបន្ទាប់។

គួរបញ្ជាក់ថា ដំណើរទស្សនកិច្ច​របស់លោក Li Keqiang ទៅកាន់ប្រទេស​អាល្លឺម៉ង់ កើតមានឡើង​នៅចំពេលចិន និងសហភាពអឺរ៉ុប​កំពុងធ្វើសង្រ្គាម​ពាណិជ្ជកម្មតាមរយៈការប្រកាស​ពី គំរោងតម្លើងពន្ធដាក់គ្នា​ទៅវិញ​ទៅមក៕