(ម៉ូស្គូ)៖ ការិយាល័យប្រេស៊ីល នៃអង្គការសហប្រជាជាតិដើម្បីស្រ្តី (UN Women) បានបញ្ចេញវីដេអូមួយចំនួន នៅថ្ងៃសុក្រសប្ដាហ៍នេះ ដោយថ្កោលទោសចំពោះការប្រព្រឹត្តទង្វើរំលោភបំពានផ្លូវភេទ ពីសំណាក់ទេសចរណ៍ប្រេស៊ីលប្រឆាំងនឹងស្ត្រីរុស្ស៊ីនៅអំឡុង ប្រព្រឹត្តិការណ៍ប្រកួតបាល់ទាល់ពិភពលោក (World Cup)។ នេះបើតាមការចេញផ្សាយដោយ ទីភ្នាក់ងារសារព័ត៌មានចិន ស៊ីនហួរ នៅព្រឹកថ្ងៃសៅរ៍ ទី២៣ ខែមិថុនា ឆ្នាំ២០១៨។
បើតាមអត្ថន័យនៅវីដេអូខាងលើ ដែលត្រូវបានចែករំលែកដោយបុរសប្រេស៊ីលម្នាក់នៅលើបណ្ដាញទំនាក់ទំនងសង្គមបានបង្ហាញថា នៅក្នុងចំណោមបុរសប្រេស៊ីលជាច្រើននាក់ មានម្នាក់បានបៀតបៀនលើស្រ្តីអ្នកសារព័ត៌មានរុស្ស៊ីម្នាក់ ដែលកំពុងធ្វើការងាររបស់នាង។ ចំណែកឯពួកគេដទៃទៀត បានខិតចូលជិតស្ត្រីរុស្ស៊ីម្នាក់ និងបាននិយាយបញ្ចុះបញ្ចូលនាង ជាភាសាព័រទុយហ្កាល់។ ប៉ុន្តែស្រី្តរូបនេះបានលើក ឡើងជាច្រើនដងនៅក្នុងវីដេអូ ពីពាក្យសម្តីពាក់ព័ន្ធនឹងផ្លូវភេទ និងរើសអើងជាតិសាសន៍។
គួរបញ្ជាក់ថា វីដេអូខាងលើដដែល បានបង្កជាការរិះគន់យ៉ាងខ្លាំងនៅក្នុងប្រទេសប្រេស៊ីល និងក្រៅប្រទេស។ ចំណែកឯ ក្រុមបុរសទាំងនោះក៏ត្រូវបានកំណត់អត្តសញ្ញាណហើយដែរ តែមិនទាន់មានការដាក់ចេញនូវចំណាត់ការប្រឆាំងនឹងពួកគេនៅឡើយទេ៕
