(ម៉ូស្គូ)៖​ ព្រឹត្តិការណ៍ប្រកួតបាល់ទាត់ពិភពលោក​ ឆ្នាំ២០១៨​ បានដំណើរការប្រកួត​ ៤ថ្ងៃមកហើយដែលមានប្រទេសរុស្ស៊ីធ្វើម្ចាស់ផ្ទះ​ ជាមួយនឹង៣គូចាប់ផ្តើមយប់នេះ​។

ក្រុមនៅអឺរ៉ុប​ ស៊ុយអែត​ ត្រូវជួបក្រុមខ្លាំងនៅអាស៊ី​ កូរ៉េខាងត្បូង​ នាម៉ោង​ ៧យប់នេះ​ វគ្គជម្រុះសន្សំពិន្ទុនៃពូល​ F បន្ទាប់ពីក្រុមការពារជើងឯក​ អាល្លឺមង់​ ចាញ់មិចស៊ិក​ ១-០​ យប់មិញនេះ​ ដោយមិននឹកស្មាន​។

សម្រាប់ក្រុមដែលកំពុងឈរនៅលេខ៣​ ក្នុង​ FIFA Ranking ប៊ែលហ្ស៊ិក​ ត្រូវជួបប៉ាណាម៉ា​ នៅម៉ោង១០យប់​ ដែលជាការប្រកួតបើកឆាកនៃពូល​ G មុនអង់គ្លេស​ ប៉ះទុយនេស៊ី​ នៅម៉ោង​ ១រំលងអាធ្រាត្រ​ (ម៉ោងនៅកម្ពុជា)​។

សម្រាប់ពូល​ H នឹងចាប់ផ្តើមប្រកួតថ្ងៃស្អែក​ ក្នុងនាមជាពូលចុងក្រោយគេទាំង​ ៣២ប្រទេសនៃវគ្គសន្សំពិន្ទុ៕