(ម៉ូស្គូ)៖​ ៣ប្រកួតនៅរាត្រីថ្ងៃអាទិត្យ​ ទី១៧​ ខែមិថុនានេះក្នុងព្រឹត្តិការណ៍​ FIFA World Cup 2018 នៅរុស្ស៊ី​ រួមមាន​ ស៊ែប៊ី​ ប៉ះកូស្តារីកា​, ប្រេស៊ីល​ ជួបស្វីស​ និងក្រុមការពារជើង​ឯក​ អាល្លឺម៉ង់​ ប៉ះម៉ិចស៊ិក។

ក្រុមនៅអឺរ៉ុប​ ស៊ែប៊ី​ ត្រូវជួបក្រុមមកពីអាមេរិកខាងជើង​ កូស្តារីកា​ នាម៉ោង៧យប់នេះ​ មុនពេលក្រុមមកពីអាមេរិកឡាទីន​ ប្រេស៊ីល​ ត្រូវជួបក្រុមនៅអឺរ៉ុប​ ស្វីស​ នាម៉ោង១រំលងអាធ្រាត្រ​ វគ្គជម្រុះសន្សំពិន្ទុនៃពូល​ E។

រីឯក្រុមជើងឯក​ World Cup 2014 អាល្លឺម៉ង់​ ដែលប្រកួតនៅម៉ោង​ ១០យប់នេះ ដោយត្រូវប៉ះម៉ិចស៊ិច​ គឺជាការប្រកួតសន្សំពិន្ទុនៃពូល​ F។

សូមបញ្ជាក់ផងដែរថា​ គិតត្រឹមថ្ងៃអាទិត្យ​ ទី១៧​ ខែមិថុនា​ ព្រឹត្តិការណ៍ប្រកួតបាល់ទាត់ពិភពលោក​ FIFA World Cup 2018 ដែលមានរុស្ស៊ីធ្វើជាម្ចាស់ផ្ទះ​ បានដំណើរការប្រកួត​ ៣ថ្ងៃមកហើយ​ចាប់ពីថ្ងៃទី២៤​ ខែមិថុនា​ ស្មើនឹង​ ៨ប្រកួត​ ដោយនៅសល់តែ​ ៥៦ប្រកួតទៀត៕