(ពិភពលោក)៖ នៅថ្ងៃសៅរ៍ ទី១៦ ខែមិថុនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ ​សូម​ទស្សនា​​​ដូច​​ខាង​ក្រោម៖

១៖ ​ផ្ទុះភ្នំភ្លើងនៅភាគនិរតីប្រទេសជប៉ុន ខណៈកម្អែរផេះកញ្ជ្រោលឡើងលើមេឃកម្ពស់៤.៧គីឡូម៉ែត្រ។

២៖ តុលាការអាមេរិកាត់ទោសស្រ្តីម្នាក់ដាក់ពន្ធនាគារ២៥ឆ្នាំ សម្រាប់ការធ្វើឃាតយុវតីចិនវ័យ១៩ឆ្នាំម្នាក់ ដែលជានិស្សិតផ្លាស់ប្តូរការ​សិក្សា​នៅសាកលវិទ្យាល័យ Arizona State University នៅក្នុងហេតុការណ៍គ្រោះថ្នាក់ចរាចរណ៍មួយ កាលពីឆ្នាំ២០១៦។

៣៖ ប្រធានក្រុមប្រឹក្សារដ្ឋមីយ៉ាន់ម៉ា លោកស្រី អោងសាន ស៊ូជី ទទួលជួបពិភាក្សាជាមួយរដ្ឋមន្រ្តីការពារជាតិចិន លោក Wei Fenghe ដែល​ទៅ​បំពេញទស្សនកិច្ច​​នៅ​រដ្ឋ​ធានី​ណៃពិដោ។

៤៖ ​ប្រធានាធិបតីចិនលោក ស៊ី ជីនពីង ប្តេជ្ញាកសាងកងទ័ពជើងទឹក ឲ្យកាន់តែខ្លាំងក្លា នៅអំឡុងពេលចុះធ្វើអធិការកិច្ច។

៥៖ ព្យុះបោកបក់​លើទីក្រុង Qingdao ប្រទេសចិនមានសភាសាហាវខ្លាំង ដោយ​សូម្បីតែសត្វ បង្គារ បង្កង មឹក និងត្រី ក៏ត្រូវទឹកបោកទៅ​ទើលើ​កញ្ចក់​ឡាន។

៦៖ ក្រសួងការបរទេសអាមេរិក ចេញសេចក្តីព្រមានពីអំពើភេរវកម្មក្នុងថ្ងៃប្រកួត World Cup និងប្រាប់ប្រជាជនខ្លួនឲ្យ​គិត​ឡើង​វិញ​មុន​ទៅ​រុស្ស៊ី

៧៖ ទីបំផុតចិនប្រកាស ដំឡើងពន្ធនាំចូលផលិតផលពីអាមេរិកវិញ ក្នុងតម្លៃ៥០ពាន់លានដុល្លារដូចគ្នា។