(ពិភពលោក)៖ នៅថ្ងៃសុក្រ ទី១៥ ខែមិថុនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ មហាយក្សចិននិងព្រះរាជាណាចក្រអារ៉ាប៊ីសាអូឌីត បញ្ចេញរូបភាព០៣សន្លឹកទាក់ទងនឹងព្រះច័ន្ទ ដែលបានមកពីកិច្ចសហប្រតិបត្តិការក្នុងវិស័យអវកាស។
២៖ អ្នកកាន់សាសនាមូស្ល៊ីមនៅទូទាំងពិភពលោក បញ្ចប់ខែបួសរ៉ាម៉ាឌន ដែលបានចាប់ផ្តើមប្រព្រឹត្តទៅកាលពីពាក់កណ្តាលខែមុន។
៣៖ ធាតុរបស់អ្នកវិទ្យាសាស្រ្តអង់គ្លេស Stephen Hawking នឹងត្រូវបញ្ចុះនៅព្រះវិហារ Westminister Abbey ហើយសំឡេងរបស់លោក នឹងត្រូវបាញ់បញ្ជួនទៅអវកាស។
៤៖ អតីតមេចារកម្មកូរ៉េខាងត្បូង៣រូប ត្រូវកាត់ទោសជាប់ពន្ធនាគារ ដោយសារសូកប៉ាន់អតីតប្រធានាធិបតី ផាក គឺនហេ។
៥៖ ទីបំផុតក្រុមហ៊ុនទូរគមនាគមន៍យក្ស AT&T របស់អាមេរិក ប្រកាសពីជោគជ័យនៃការទិញយកក្រុមហ៊ុន Time Warner ក្នុងតម្លៃ៨៥ពាន់លានដុល្លារ ក្រោយពីទទួលបានភ្លើងខៀវពីចៅក្រមសហព័ន្ធ។
៦៖ ទីក្រុងសេអ៊ូល ឲ្យដឹងថាការសម្រេចលើជោគជ័យវាសនា សមយុទ្ធយោធាអាមេរិក-កូរ៉េខាងត្បូង អាចត្រូវធ្វើឡើងនៅខែក្រោយ។
