(ហ្សាកាតា)៖ ប៉ូលិសប្រឆាំងភេរវកម្មឥណ្ឌូនេស៊ី បានចាប់ឃុំខ្លួនអតីតនិស្សិត០៣នាក់ នៅក្នុងប្រតិបត្តិការវាយឆ្មក់លើសកលវិទ្យាល័យមួយកន្លែង ក្នុងទីក្រុង Pekanbaru នៃកោះ Sumatra ដោយរឹបអូសគ្រាប់កែច្នៃ និងឧបករណ៍គ្រឿងផ្ទុះជាច្រើន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យទី០៣ ខែមិថុនា ឆ្នាំ២០១៨។

ជុំវិញប្រតិបត្តិការនេះដែរ អ្នកនាំពាក្យប៉ូលិសជាតិឥណ្ឌូនេស៊ី លោក Setyo Wasisto ជនសង្ស័យទាំង០៣នាក់ខាងលើ ត្រូវបានគេចោទប្រកាន់ថា បាននិងកំពុងរៀបចំផែនការវាយប្រហារ លើសភានៅក្នុងតំបន់នៃទីក្រុង Pekanbaru ស្ថិតនៅក្នុងខេត្ត Riau។ អ្នកនាំពាក្យរូបនេះ បានបន្ថែមថា នៅក្នុងប្រតិបត្តិការវាយឆ្មក់កាលពីថ្ងៃសៅរ៍ នៅ​ឯសាកសលវិទ្យាល័យ Riau ប៉ូលិសបានរកឃើញគ្រាប់ បែកកែច្នៃ ព្រមទាំងគ្រាប់បែកដៃ និងឧបករណ៍ផលិតគ្រឿងផ្ទុះជាច្រើនទៀត។ ប៉ុន្តែភ្លាមៗ គេមិនទាន់អាចកំណត់បានថាតើ ជនសង្ស័យទាំងនេះ មានជាប់ពាក់ព័ន្ធនឹងក្រុមសកម្មប្រយុទ្ធណាមួយនៅឡើយទេ។

គួរេំលឹកថា កាលពីខែឧសភា ប៉ូលិសឥណ្ឌូនេស៊ី ក៏ធ្លាប់បានបាញ់សម្លាប់បុរសបួននាក់ ដែលប្រើដាវសុំាមូរ៉ៃវាយប្រហារលើមន្ត្រីប្រចាំ ទីស្នាក់ការប៉ូលិសក្នុងទីក្រុង Pekanbaru ផងដែរ៕