(ពិភពលោក)៖ នៅថ្ងៃសៅរ៍ ទី០២ ខែមិថុនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ក្រោយជួបប្រេសិតលោក គីម ជុងអ៊ុន លោក ដូណាល់ ត្រាំ បញ្ជាក់ច្បាស់ថានឹងជួបលោក គីម នៅសិង្ហបុរី តាមវេលាកំណត់ដូចដើម។
២៖ ឯកអគ្គរដ្ឋទូតអាមេរិកប្រើអំណាចជំទាស់ ទៅលើសេចក្តីព្រាងនៃដំណោះស្រាយ ក្នុងន័យជួយការពារជនជាតិប៉ាឡេស្ទីន។
៣៖ ទីបំផុតប្រធានាធិបតីអេហ្ស៊ីប Sisi ស្បថឡើងកាន់តំណែងអាណត្តិទី២ ជាមួយទស្សនវិស័យទៅរកស្ថិរភាព។
៤៖ CEO ក្រុមហ៊ុនប្រេងរដ្ឋប្រេស៊ីល ត្រូវលាលែងពីតំណែង ខណៈសាំងឡើងថ្លៃជ្រុលដោះស្រាយមិនចេញ។
៥៖ រដ្ឋមន្រ្តីការបរទេសអាមេរិកបញ្ជាក់ច្បាស់ៗឲ្យហើយថា រឿងដកទ័ព ឬសូម្បីកាត់បន្ថយទ័ពពីកូរ៉េខាងត្បូង គ្មាននោះឡើយនៅលើតុពិភាក្សារវាងលោក ដូណាល់ ត្រាំ និង លោក គីម ជុងអ៊ុន។
៦៖ សត្វត្រីបាឡែនមួយប្រភេទ ដែលបានបាត់បង់ជីវិត បន្ទាប់ពីត្រូវគេជូយសង្រ្គោះពីឆ្នេរនៅប្រទេសថៃនោះ មានថង់ប្លាស្ទិចប្រហែល៨០ថង់នៅក្នុងពោះរបស់វា។
