(ពិភពលោក)៖ នៅថ្ងៃសុក្រ ទី០១ ខែមិថុនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ ​សូម​ទស្សនា​​​ដូច​​ខាង​ក្រោម៖

១៖ កិច្ចប្រជុំកម្រិតខ្ពស់​រវាងទីក្រុងព្យុងយ៉ាងនិងទីក្រុងសេអ៊ូល ប្រព្រឹត្តទៅនៅឯតំបន់ភូមិព្រំដែន Panmunjom។

២៖ ​រដ្ឋមន្រ្តីការបរទេសអាមេរិក លោក Mike Pompeo ថ្លែងក្នុងសន្និសីទសារព័ត៌មាន ក្រោយបញ្ចប់​ជំនួបរយៈពេល០២ថ្ងៃជាមួយ​ប្រតិភូ​កូរ៉េ​ខាងជើង។

៣៖ នាយករដ្ឋមន្រ្តីសិង្ហបុរី លោក Lee Hsien Loong រៀបចំពិធីទទួលស្វាគមន៍និងចូលរួមសន្និសីទសារព័ត៌មាន ជាមួយនាយករដ្ឋមន្រ្តី​ឥណ្ឌា លោក Narendra Modi។

៤៖ ​ភ្នំភ្លើងសកម្មបំផុតនៅឥណ្ឌូណេស៊ី Merapi ផ្ទុះឡើងជាថ្មីម្តងទៀត ដោយជះកម្អែរផេះ០៦គីឡូម៉ែត្រទៅលើផ្ទៃអាកាស។

៥៖ ទីភ្នាក់ងារព័ត៌មានរដ្ឋកូរ៉េខាងជើង KCNA បញ្ចេញរូបថតនៃសកម្មភាពក្នុងអំឡុងកិច្ចប្រជុំរវាងរដ្ឋមន្រ្តីការបរទេសរុស្ស៊ី​លោក Sergei Lavrov និងលោក គីម ជុងអ៊ុន។

៦៖ កងទ័ពអាកាសអាមេរិក ចាប់ផ្តើមធ្វើប្រតិបត្តិការយន្តហោះដ្រូនប្រភេទ MQ-9 Reaper ដែលត្រូវបានដាក់ឲ្យឈរជើងនៅប្រទេស​ប៉ូឡូញ​។

៧៖ តួកគីចេញ​ប្រតិបត្តិការ​យ៉ាងក្តៅ​គគុក និងក្របួចបានជន​សង្ស័យជា ISIS សរុប​៣៦នាក់។