(អ៊ុយក្រែន)៖ នៅទីបំផុតក្រោយការប្រកួតពេញម៉ោង ក្លឹបយក្សរបស់ប្រទេសអេស្ប៉ាញ បានបន្តគ្រងតំណែងឯកពានរង្វាន់ប្រចាំទ្វីបអឺរ៉ុប UEFA Champions League ជាលើកទី១៣ បន្ទាប់ពីយកឈ្នះគូប្រជែងហង្សក្រហម Liverpool ដោយលទ្ធផល ៣-១ វគ្គផ្តាច់ព្រ័ត្រ។

ការប្រកួតដែលបានធ្វើឡើងនៅពហុកីឡដ្ឋាន Stadion NSK Olimpiyskiy ស្ថិតក្នុងទីក្រុង Keiv នៃប្រទេសអ៊ុយក្រែន ដែលជាទឹកដីកណ្តាលអាចផ្ទុកអ្នកទស្សនផ្ទាល់បានប្រមាណជាង ៨ម៉ឺននាក់ កីឡាករបារាំងជាអ្នកស៊ុតគ្រាប់បែកពងមាន់នៅនាទីទី៥១​ ពីការធ្វេសប្រហែសរបស់ចាំទី​ Liverpool, Karius

ការសប្បាយរីករាយនេះបានត្រឹមតែ៤នាទីប៉ុណ្ណោះ​ ត្រូវបានកីឡាករសេណេហ្គាល់​ Mane តាមស្មើ​ 1-1 នៅនាទីទី៥៥​ មុនពេលត្រូវបាន​ Garett Bale ដែលបានប្តូរចូលក្នុងវគ្គទី២​ រកបន២គ្រាប់នៅនាទីទី៦៤​ និង៨៣​ ជំនួសមិត្តរួមក្រុម​ Isco នៅនាទី៦០​

នេះជាលើកទី១៣ ហើយក៏ជាឈ្នះលើកទី៣ជាប់ៗគ្នាផងដែរសម្រាប់ Real Madrid ដែលឈ្នះជើងឯក គិតចាប់តាំងពី លោក Zinedine Zidane ឡើងកាន់តំណែងជាគ្រូបង្វឹកបង្គោលក្នុងក្លឹប Real Madrid ជំនួសកៅអីគ្រូបង្វឹក Rafael Benitez ដែលត្រូវបានបញ្ឈប់ពីតំណែងកាលពីខែមករា ឆ្នាំ២០១៦

ក្រុមជើងឯក​ Real Madrid ទទួលបានពាន១​ មេដាយមាស​ ៤៥គ្រឿង​ និងរង្វាន់អមជាទឹកប្រាក់១១៥លានដុល្លារ​ ខណ:ជើងឯករង​ Liverpool ទទួលបានមេដាយប្រាក់​៤៥គ្រឿង​និងទឹក ៨៥លានដុល្លារ​៕