(កូឡាឡុំាពួ)៖ ក្រុមអ្នកស៊ើបអង្កេត បានសាកសួរអតីតនាយករដ្ឋមន្ត្រីម៉ាឡេស៊ី លោក Najib Razak អស់រយៈពេលជាង៦ម៉ោង នៅទីស្នាក់ការគណៈកម្មការប្រឆាំងអំពើពុក​រលួយ​ម៉ាឡេស៊ី (MACC) នៅថ្ងៃព្រហស្បត្តិ៍នេះ ហើយបានអនុញ្ញាតឲ្យលោកវិលត្រឡប់ទៅផ្ទះវិញ ខណៈការស៊ើបអង្កេត ពាក់ព័ន្ធនឹងមូលនិធិអភិវឌ្ឍន៍រដ្ឋ​ 1MDB នៅតែបន្តធ្វើឡើង, នេះបើយោងតាមសារព័ត៌មានស៊ិនហួ ចេញផ្សាយឲ្យដឹងនាយប់ថ្ងៃទី២៤ ខែឧសភា ឆ្នាំ២០១៨នេះ។

លោក Najib បានទៅដល់គណៈកម្មការប្រឆាំងអំពើពុក​រលួយ នៅវេលាម៉ោងប្រមាណ៩៖៤៥នាទីព្រឹក ហើយបានចេញមកវិញ នៅវេលាម៉ោងប្រមាណ៤៖៥០នាទីល្ងាច។ លោក Najib បានប្រាប់ក្រុមអ្នកសារព័ត៌មានថា លោកបានបញ្ចប់នូវការកត់ត្រាចម្លើយរបស់លោកហើយ។

ការបង្ហាញខ្លួនរបស់លោក Najib ត្រូវបានធ្វើឡើងបន្ត ពីការសាកសួរជាលើកទី១ កាលពីថ្ងៃអង្គារកន្លងទៅ នៅពេលដែលលោកត្រូវបានគេសួរ ឲ្យពន្យល់ពីការជាប់ពាក់ព័ន្ធ ទឹកប្រាក់ប្រមាណ១០.៥៥លានដុល្លារអាមេរិក ដែលដាក់ក្នុងគណនីធនាគារផ្ទាល់ខ្លួនរបស់លោក។

លោក Najib បានបដិសេធក្នុងការប្រព្រឹត្តកំហុសណាមួយ។ នៅក្នុងសេចក្តីថ្លែងការណ៍មួយ ដែលបានចេញផ្សាយ មុនពេលការសាកសួរ, លោក Najib បានចោទប្រកាន់ រដ្ឋាភិបាលថ្មីនេះ ហើយបានស្នើឲ្យបញ្ឈប់ការលែងល្បែងនយោបាយនេះ៕