(ប៉េកាំង)៖ កន្រ្តកវិលធំជាងគេបង្អស់លើលោក ត្រូវបានដាក់ឲ្យដំណើរការជាផ្លូវការហើយ នៅខេត្តសានទុង (Shandong) ភាគខាងកើតប្រទេសចិននៅថ្ងៃពុធនេះ។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នៅរសៀលថ្ងៃពុធ ទី១៦ ខែឧសភា ឆ្នាំ២០១៨។
កន្រ្តកវិលខាងលើនេះ ដែលមានមុខកាត់ប្រវែង ១២៥ម៉ែត្រ និងកម្ពស់ ១៤៥ម៉ែត្រ ស្ថិតនៅក្នុងទីក្រុង វៃហ្វេង (Weifang) ហើយមានកន្រ្តកយោងសរុបចំនួន ៣៦ ដែលផ្ទុកមនុស្សច្រើនបំផុតបាន ១០នាក់ក្នុងមួយកន្រ្តកៗ។ ដើម្បីវិលបានមួយជុំ កន្ត្រកយក្សនេះ ត្រូវចំណាយពេលប្រហែល ៣០នាទី។
គួរជម្រាបថា ការសាងសង់កន្រ្តកវិលនេះ ត្រូវបានចំណាយពេល ០៣ឆ្នាំ និងដែកទម្ងន់ជាង ៥,០០០តោន ហើយត្រូវគម្រោងនេះត្រូវបានបញ្ចប់ជាស្ថាពរតាំងតែពីចុងឆ្នាំ២០១៧មកម្ល៉េះ ប៉ុន្តែត្រូវបានគេចំណាយពេលជាច្រើនខែក្នុងការធ្វើតេស្ត ដើម្បីធានាពីសុវត្ថិភាពរបស់វា៕
